Gaano katotoo na malaki ang tampo ng sikat na aktres sa maybahay ng isang sikat na celebrity dahil ayon sa aking source, sinabi ng aktres na tinext siya ng misis na isoli ang mga bagay na regalo sa kanya (aktres) ng kanyang mister gaya ng mamahaling bahay.
Ayon sa sikat na aktres, ang milyones na bahay ay hindi galing sa celebrity kundi ni-loan niya sa bangko at buong sweldo niya ay dito lang napupunta.
Naging kontrobersyal ang sikat na aktres nang ma-link ito sa celebrity na sikat hindi lang sa bansa kundi gayundin sa ibang daigdig.
Ayaw Ma-Link Sa Leading Lady
May pelikula ngayon si Ronnie Ricketts titled One Percent Full kung saan kasosyo niya si Burton Richardson na nakilala nito sa Amerika na may sariling film production.
Hanggang ngayon, di pa rin payag sa kissing scenes ang aktor kaya ang kahalikan ni Andrea del Rosario ay si Burton.
Jennylyn-Patrick, Bati Na
Dalawang araw lang nagkatampuhan ang mag nobyong sina Jennylyn Mercado at Patrick Garcia dahil nagselos ang aktor sa kissing scenes ng aktres at ex-boyfriend na si Mark Herras sa Magpakailanman. Mga petty quarrels lang ang pinagmumulan ng galit-bati relationship nila. Kaya ngayon ay sweet na sweet na naman ang dalawa. Excited na si Jenny dahil may gagawin siya sa GMA 7 titled La Vendetta na pagbabalik-tambalan nila ni Mark.