Sheryl, nasa Dos na!

Hindi lang ang taping ng La Vendetta (final title na ito) ang mag­pa­pa-busy kay Sun­shine Dizon dahil kasama na siya sa cast ng Dagaw, ang horror movie na direc­ted at line-produ­ced ni direk Chito Roño for GMA Films. Siya ang ipinalit kay Assunta de Rossi.

Masaya si Sunshine dahil ang Mulawin: The Movie pa ang last movie na kanyang ginawa at ngayon lang nasundan. Makakasama niya rito sina Richard Gutierrez, Marvin Agustin, Jewel Mische, Paolo Bedio­nes at Dingdong Dan­tes na pumwede rin ang schedule.

Kailangan lang ayu­sin ng husto ang sche­dule ni Sunshine dahil sa October 8 ang start ng taping ng La Ven­det­ta at second week din of this month siya mag­su-shooting.

*****

Magbabalikan na ang characters nina Judy Ann Santos (Ysay) at Derek Ram­say (Mito) sa Ysa­bella at excited na ang fans nila. Kaya raw nag-klik ang tandem nila ng actress da­hil wala itong superstar com­plex, mabait at very com­fortable katrabaho.

Magkasama rin sila sa Sa­kal, Sakali, Saklolo ng Star Ci­nema at matutuwa ng husto si Derek kung matutuloy ang ba­lak na pagtambalin sila sa isang pelikula next year.

Samantala, ipinagtanggol ni Derek ang nobyang si Angelica Pa­nganiban sa mga nagalit na fans. Ginawa lang daw ng ac­tress ang trabaho at kahit late na ito pumasok at guest lang, ma­lakas pa rin ang impact ng role nito sa sumusubaybay sa soap.

“I’m proud of her, she did a good job. Natatawa lang siya sa galit ng fans, she’s not affected,” pagmamalaki nito sa nobya.

*****

Si Jesi Corcuera lang sa girls cast ng Boys Nxt Door ang hindi naka-two-piece sa taping nila sa Kid’s World sa Dasma­riñas, Cavite. Kaya raw niyang mag-trunks, pero hindi ang swim­suit at ipinagmalaki ang suot na boxer shorts at Bench Body brief.

Ilang na ilang ito nang pag­suutin ng pink dress at nandidiri raw siya. Nang may bumati na ma­gan­dang babae siya, agad binawi’t “Ma­gan­dang lalaki po ako,” sabi nito. Hate nito ‘pag tinatawag na Maria Jes­sica na real name pala nito. Mas feel ang Jesi at MJ na tawag sa kan­ya.

Ka-loveteam niya sa BND si Kiko Junio at sabi, nanliligaw sa kan­ya, pero malabong mag­pakababae si Jesi para sa kapareha. “Men” pa rin ang tawa­gan nila at babae talaga ang gusto ng hitad, altho’, she’s over Kris Bernal na raw.

*****

Dalawang shows ang gagawin ni Sheryl Cruz sa ABS-CBN, ka­ya baka hindi na ito bu­malik sa GMA-7. Bukod sa Love Spell kung saan makakasama raw nito sina Kim Chiu at Gerald Anderson, ga­ga­win din nito ang TV remake ng Gumising Ka Maruja with Ruffa Gutierrez sa The Su­san Roces Cinema Collection ng Sine Ser­ye block.

Kasama sana si She­ryl sa Love o Ven­det­ta at gaganap silang magkapatid ni Sun­shine Dizon at anak ng isa sa kanila si Jenny­lyn, pero dahil nauna ang offer ng Ch. 2 at wala siyang exclusive contract sa Ch. 7, magiging Kapamilya muna siya for sometime.

Ang Gumising Ka Maruja ay kasama sa movie titles na ang rights ay nakuha ng Ch. 2 at sila ang may karapatang gumawa ng TV remake nito. Nasa network din ang exclusive rights ng movie library ni FPJ at sa kanila muling mapa­panood ang mga peli­kula nito.