Guba akong plano, tungod ni Lino

Nakatando na sad gyod unta ko nga mokuyog nilang direk Pepe Tariman, Pakol, Gardo, Cely Halang, Wilnard Banzon [paryente diay gyod siya ni Miss Jessica Alba Banzon Natad, ang gwapang anak sa artistang si Juliet Banzon ug ace business reporter sa Business World] ug mga dancers Mariz ug Karla, ug Greg Lawas [oy, unsa ka tinuod nga nagselos si Mariz sa usa ka Iris kay ni flirt konong Greg Lawas? ; Mariz, aminin!] ug uban pa, alang sa usa ka dakong show didto sa dakong gym sa lungsod sa Samboan niadtong Lunes, Septiyembre 24, pero wa ko mahinayon sa pagkuyog, kay mi text man pod si Josie S. Pereyra nga moabot sila si direk Lino Cayetano, ang director sa “I’ve Fallen For You’ ug mga artista sa maong pelikula nga sila si Kim Chiu ug Gerald Anderson. Nakaplano na baya gyod unta ko para sa akong number ug attire para sa maong show, pero naguba gyod ang akong plano tungod ni direk Lino, kay na-excited na sad kong makita si direk after mi magkahimamat atong “Little Big Star.”

Wa pa man god ko makaila atong panahona ni direk Lino, ug wa ko masayod nga siya ang director sa “Little Big Star” pero na-attract ko sa iyang ka gwapo busa nagpangutana ko, ug sa dihang nahibaw-an nakong siya ang director, nanghangyo kong mo-interview niya, ug pilay sugilon, nagka-istoryahanay mi, hinungdan nga, pilay sugilon, gusto kong masayod kun nahinumdum pa ba siya nako, sama nilang Ricky Davao, Gary Valenciano, Robin Padilla ug Bong Revilla nga wa malimot, ug motimbaya gyod nako kun magkita mi. Ug tuod man, pag-abot nila sa dakong function room sa Castle Peak Hotel [salamat sa nindot ug friendly service], miduol gyod siya nako ug miingon siyang nahinumduman niya akong face value [kay wa sa’y laing pareho nako’g dagway, di ba?], pero nangayo lang gyod siya’g pasaylo kay nalimot lang gyod siya sa akong ngalan [mapasaylo oy sa kadaghan ba’s tawo nga ikasugat nila matag adlaw, di ba?], ug nanumpa gyod nga sa sunod, dili na gyod kono niya kalimtan ang akong ngan, PROMISE!. Eniwee, tan-awa gyod ninyo ang movie, kay cute, ug may mga bag-ong paagi si Direk  para sa mga romantic scenes [sipsip].