Gov. Gwen lakip sa  “best dressed women”

Morampa sa unang higayon si Cebu Governor Gwendolyn Garcia kauban sa mga inilang artista ug fashionista sa Pilipinas human siya napili nga usa sa 13 ka “Best Dressed Women in the Philippines.”

Ang Best Dressed Women of the Philippines Awards Night pagahimoon karong gabii sa Rizal Ballroom, Makati, Shangri-La Hotel diin usa  ka “floral” ang motif sa fashion show.

Ang maong kalihokan usa ka “fund-raising for a cause” pasiugdahan sa San Miguel Corporation ug Lifestyle Asia diin ang tanang benepisyo padulong ngadto sa Philippine Cancer Society.

Kauban nga mo-rampa ni Garcia mao ang sikat usab nga Cebuana, philanthropist ug socialite Mariquita Salimbangon Yeung.

Kauban nga morampa ni Garcia sila si Connie Guanzon-Garcia, Dawn Zulueta-Lagdameo, Virginia “Bebot” Laurel, Lucille Carlos-Locsin, Thess Managanti, Sandie Castro-Poblador, Sally Ponce Enrile, Cristina Gonzales-Romualdez, Elma Santander, Lulu Tan-Gueta ug Rhodora “Doyee” Tumpalan.

Ang Best Dressed selection committee gilangkoban nilang Philippine Cancer Society chairperson Imelda Cojuangco, fashion czar Pitoy Moreno, Arch. Gerry Contreras, Helen Ong, ug TV host/ columnist Johnny Litton.

Matud pa ni Cojuangco, sa iyang sulat ngadto ni Gob. Garcia, “this is also to honor the ultimate Filipina and raised a sizeable amount for cancer advocacy, research and patient services.”