Shaina, payag nang magpaligaw

Sa November 6, de­but na ni Shaina Mag­da­yao at pinayagan na siya ng parents na ma­ligawan pero personal choice niya na huwag mu­nang seryosong ma­kipag-boyfriend. Pero open siya sa pag­sasa­bing pinakama­sugid niyang manliligaw ang ka-loveteam na si Ray­ver Cruz.

Hindi raw na­man dahil sa nangyari sa kan­yang Ate Vina (Mo­ra­les) kaya ga­noon ang de­sisyon niya. In fact, natuwa pa raw sila nang tuluyan nakipag-break ang Ate Vina niya sa boyfriend nito. Wala raw naman siyang tampo sa na­ging boy­friend nito pero ayaw niyang mag­sa­lita in behalf of her family.

Basta sila raw, sinu­su­portahan nila ang Ate niya anuman ang m­a­ging desisyon nito. Kung anuman daw ang nang­yari sa kan­yang Ate Vina, pina­litan na­man ito ni Lord ng blessing, nang manalo ito sa first Ikon Asean Grand Finals last Sun­day, August 12, sa Pu­tra­jaya In­ter­national Con­ven­tion Center sa Malay­sia. Tumanggap din ito ng cash prize na $25,000.

Dalawa ang entry nina Shaina at Rayver sa MMFF 2007, ang Katas ng Saudi ng Maverick Films na kasama nila sina Sen. Jinggoy Es­trada at Lorna Tolen­tino, at ang Bahay Kubo na happy sila na muli nilang makakasama sa Bahay Kubo ng Re­gal Entertainment si Ma­ricel Soriano.

* * *

 Tinupad naman ng Hollywood producer na pabalikin sa Pili­ pinas si Iza Calzado from To­ronto, Canada, last Fri­day, August 17, pagka­tapos niyang makapag-shooting doon ng The Echo for three days, para tapusin ang taping ng Impostora hanggang sa August 22.  Dapat kasi, August 20 pa ang alis ni Iza para ma­tapos ang high­lights ng mga eksena niya sa Impos­tora pero bigla siyang ipinatawag na kailangan na raw nitong mag-shooting ng The Echo sa To­ronto kaya umalis siya noong August 13. 

* * *

First time ng Pinoy Dream Academy scho­lar na si RJ Jimenez na maka­punta ng USA, kaya masayang-ma­saya siya nang pasa­mahin ng Dream Big Prod­uct­ions sa PDA win­ners na sina Yeng Constantino, JayR Sia­boc at Ronnie Liang. 

Natupad na rin ang dream niyang maka­punta sa Dis­neyland, Universal Studios, Golden Gate, White House (kahit sa labas daw lamang sila), Mille­nium Park in Chicago at United Center kung saan naka-display ang ma­la­laking pictures ng mga NBA players.

Thankful din siya sa mga regalong ibinigay ng mga Pinoy fans sa kanya na kaila­ngan niyang ibalikbayan box para hindi siya mag-overweight.

Nasabik din daw siyang tumugtog muli kasama ng kanyang banda kaya kinabuka­san na bumalik sila rito, nag-rehearse na raw sila.  Pinagpa­pla­nuhan daw nila ang kanyang birthday con­cert sa Sept­ember 28.  Muli silang aalis na apat for a show in Guam sa August 23, na makakasama rin nila ang co-PDA scho­lars na sina Rosita at Iya.