Dunay kissing scene sila si Iya Villania ug Vhong Navarro sa “Lastikman” pero tsika sa komedyante, medyo magduhaduha siya tungod kay ang musulod sa iyang hunahuna mao si Drew Arellano.
“Kasi sobrang kaibigan ko rin ‘yang si Drew, so, parang nakakailang na hahalikan ko ang girlfriend niya,” nagkanayon si Vhong.
Pero kun nagduhaduha si Vhong, si Iya miingon nga walay problema niya ang maong kissing scene, trabaho lang.
Sunod buwan, isalida na ang “Lastikman.”
Yilmaz wa modayog pauli
Wala modayon og pauli balik sa Istanbul Turkey si Yilmaz Bektas niadtong Biyernes sa hapon.
Tsika sa PEP, alas singko (dili alas dos) sa hapon ang gitakda nga flight ni Yilmaz, apan pag-abot niini sa airport pasado alas tres, midesisyon ang bana ni Ruffa Gutierrez nga dili modayon og larga.
Suma pa sa usa ka insider, pag-abot ni Yilmaz sa airport gibati siya og “emptiness” ilabi na naghinilakay pa sila sa iyang mga anak nga sila si Venice ug Lorin sa iyang pagbiya sa Shangrila Makati diin siya nag-istar.
Pwes, mibalik si Yilmaz sa agi, ug nasayran sa PEP nga 3:42 siya mi-check-out, ug mi-check-in og balik 5:33.
Ang tsika nagpakisayod lang si Yilmaz sa airport kun duna bay Sunday or Monday flight paingon sa Dubai.