KJWAN, IKON awardee

Isang  bagong  ban­da na maituturing ang KJWAN kumpara sa maraming banda na naglipanan sa atin industriya ng mu­sika. Pinag-usapan la­mang ito nang bigla ay gu­mawa ito ng ingay nang manalo kama­kailan bilang Best Group Artist sa kata­tapos na IKON ASEAN grand finals na ginanap sa Kuala Lumpur, Malaysia na nilahukan ng 30 solo and group artists  mula sa ma­raming ban­sa sa Asya.

Nag-uwi ang KJWAN ng $25,000 bilang premyo.

Pilipino rin ang na­nalong Best Solo Artist, si Vina Morales, na nanalo rin ng kapa­rehong halaga.

Ang IKON ASEAN ay naglalayong mapag­lapit ang mga ASEAN artists under one roof at mai-share nila sa isa’t isa ang kanilang mga ta­lento  at ipagdiwang ang Asian entertainment.

Dalawang matitinik na banda rin mula sa Malaysia (OAG) at Indonesia (Tahta) ang ma­higpit na nakalaban ng grupo sa grand finals.

May tigalawang kan­ta ang 3 banda na nag­la­ban, ang piyesa ng KJWAN ay ang  “Invitation” at “One Look”,  mga orihinal na kom­posisyon ng grupo at kasama rin sa kanilang sophomore album na “2 Step Marv”.

Mahigit dalawang taon lamang ang KJWAN na ang panga­lan ay ga­ling sa drummer ng grupo na si J-Hoon Balbuena. Umu­wi ito rito mula Hong­kong para mag-aral sa Ateneo. Akala nito nung una ay isang mathema­tical term yung “kwan” na nang napagpas­yahan nilang gawing pangalan ng grupo ay dinagdagan nila ng J bilang tribute sa nag-isip ng  pangalan  at  para cinematic na rin ang pangalan ng banda. 

Dating magkakais­kwela sa Ateneo ang mga myembro ng grupo (Marc Abaya (vocals), Kelley Mangahas (bass), Jorel Corpus (guitar)  at Boogie Ro­mero (guitar). Pero,  nung maga-graduate lamang sila ng college nabuo ang banda.

Bago sa IKON, na­big­yan na rin sila ng nomi­nas­yon sa NU 107’s Rock Awards, MTV Pilipinas Video Music Awards 2005. Isang bu­wan silang  featured artist sa  MTV Phils.

Kung gusto n’yo pang makilala ang KJWAN, at mga myem­bro at ang mga gigs nila, bu­mi­sita sa ka­nilang web­site sa http:llKJWAN.NET o ka­ya’y sa [email protected].

*  *  *

[email protected]