Aktor, iniwan ang gf na aktres dahil sa matrona

Sinasabi ni Yasmien Kurdi na kung siya lang daw ang tatanungin, mas bibigyan niya ng priority ang kanyang singing career. Siguro nga masya­do lang siyang inspired dahil ang kauna-una­hang kanta na siya ang su­mulat, ang “Love is All I Need” ay naging isang hit.

Siguro nae-encourage rin siya dahil nang maging hit ang kan­yang kanta, maraming kumu­kuha sa kanya sa mga  shows at mas kumikita siya ng malaki. Si­guro naririnig din na­man niya ang kuwento ng ibang mga singers na kumikita sila ng mas malaki pa kaysa sa mga artistang nagpu­puyat sa shooting ng pelikula.

Pero bilang isang observer, ang paniwala namin, dapat mas big­yan ng priority ni Yas­mien ang kanyang career bilang isang aktres. Una, totoong malaki ang kita ng mga singers, pero alam naman ninyo ang mga iyan “good as your last song” ka lang. Wa­lang singer na ang popu­laridad ay tumagal ng maraming taon na ka­gaya ng mga artista.

Ayaw na naming pag­basehan ang napa­panood naming mga ginagawa ni Yasmien paminsan-minsan. Ang gusto na lang naming pagbasehan ay ang ipinakita niyang acting  noon sa Bakekang, aba eh mahusay na aktres si Yasmien.

In fact natabunan niya roon ang inaasa­han nilang sisikat na si Lovi. Kontrabida si Yasmien pero siya ang mas na­gus­tuhan ng mga tao. Sa totoo lang mas nagus­tuhan din namin si Yas­mien doon at naipakita niyang mahusay siyang aktres, hindi kagaya noong Lovi na naniwala ya­tang sapat na ang magpa-cute sa camera.

Ngayon nabibigyan ng break si Yasmien. Siya ang nagre-remake ng ilang pelikulang gi­nawa noon ni Sharon Cuneta para sa tv. Aba mas bagay namang mag-remake ng peli­kula ni Sharon si Yas­mien dahil magaling siyang ku­manta at higit sa lahat, maganda siya at mukha namang ar­tista talaga.

*  *  *

Kahit na sinasabi ng mga taga-GMA 7 na sa ngayon ay wala na­mang kailangang ala­lahanin si Jennylyn Mercado da­hil tutupa­rin pa rin nila ang ka­sunduan sa kon­trata nila, hindi na siya ma­kakaasa ng build up. Hindi mo rin naman ma­sisisi ang Channel 7 dahil kahit naman sino, pagkatapos ng lahat ma­ki­kipag-deal ka pa ba sa manager ni Jennylyn?

Lumipat man sila sa ABS-CBN, tagilid pa rin ang bangka nila. Hindi kaya iisipin din ng mga taga-ABS-CBN na kung nagawa nila iyon sa GMA eh hindi iyon ma­gagawa sa kanila pag­dating ng araw?

Kaya nga ang usap-usapan ngayon, papa­ano naman daw kaya maisa-save ni Jennylyn Mercado ang kanyang career para hindi ma­apek­tuhan ng controversy na nilikha ng kan­yang manager? Kung kami ang tatanungin, iisang solusyon lang ang nakikita naming maa­aring mangyari riyan.

*  *  *

Ang talaga palang dahilan kung bakit na­kipag-break a­ng isang male star sa syota niyang female star din nang biglang-bigla ay dahil na-pressure na siya ng kanyang “tita”. In short may karelasyon palang matrona ang male star. Iyon daw ang sumusuporta sa kanya kaya kahit na wala siyang maysadong assignment ay ok lang ang buhay niya. Dumating na rin daw ang point na ayaw ng matrona na may iba pang girlfriend ang male star, kaya nang pamiliin siya noon, ini­wanan niya ang girlfriend niyang female star. Piliin nga naman niya ang female star eh di pareho silang gutom.