Dahil sa sobrang dami ng lagareng taping ni Roxanne Guinoo ay tsinugi na siya bilang co-host ni Willie Revillame sa Wowowee. Last Tuesday, after the show ay sinabihan si Roxanne na huling araw na niya iyon kaya nabigla ang dalaga at nag-iiyak.
Samantala, si Valerie Concepcion ang guest co-host ni Willie kahapon, Miyerkules at dahil wala nang kontrata ang dalaga sa GMA-7 ay naging interesado ang pamunuan ng network sa kanya.
* * *
Comment ng mga katoto kay Ms. Maricel Soriano sa press launch ng A Love Story ng Star Cinema, “Buti pa si Dina Bonnevie, nagbago na ng ugali, hindi na mataray, si Maricel ganun pa rin, kapag hindi niya type ang tanong, nambabara pa rin.”
Obserbasyon ito ng nakararami at ito rin ang napansin namin dahil sa tagal na hindi na nakakapanayam ng entertainment press ang nag-iisang Diamond Star ay sabik sila sa paga-update sa aktres, pero hindi naman nakiki-cooperate ang isa sa leading lady ni Aga Muhlach.
Tulad sa tanong kung ilang TVC mayroon si Marya dahil nga napapanood siya sa telebisyon, ang sagot niya ay, “Ha, saan nanggaling ang mga iyon? Meron ba? Hindi ko kasi napapanood, umaga na ako umuuwi at very seldom akong manood ng telebisyon.
Pangalawang tanong kung kumusta na ang annulment nila ng asawang si Edu Manzano.
Sinagot niya ng, “Ha?” Kung ayaw niyang sagutin, puwede niyang sabihing change the topic or huwag ng pag-usapan. Kaya ang respetadong kolumnistang si Mario Bautista ang sumagot ng, “Walang annulment kasi hindi sila nagpa-file.”
At dahil press launch iyon, natural, nakatutok ang mga TV camera sa aktres, at dahil iinom siya ng kape, bigla niyang sinabihan ang mga cameraman ng, “O, ano, puwede ba akong uminom ng kape? Bawal ba?” Na puwede naman niyang i-request na puwedeng pakipatay na lang ang mga camera kasi iinom ako ng kape. In the first place, masama bang uminom ng kape na may nakatutok na TV camera?
Well, sabi nga nila, hindi si Maricel Soriano ‘yun kung hindi siya nagtataray at nambabara.
Pero nakakatuwa dahil ibang-iba ang ugali ni Marya sa A Love Story, parang mas magandang panoorin na lang siya sa pelikula. – REGGEE BONOAN