Miss Russia ang napili nga Miss Tourism Queen International 2007, human sa gipahigayon nga indigay niadtong July 31, sa Zheng Zhou, China.
Si Olga Konstantinovna Zarubina, pambato sa nahisgutang nasud mipildi sa 107 ka mga maanyag usab nga mga dalaga gikan sa nagkadaiyang nasud, lakip na ang Pilipinas.
Nasayran nga kini mao ang unang higayon sa Russia nga midaog sa nahisgutang titulo. Ang labing uwahi nilang kadaugan sa indigay sa kaanyag mao ang Miss Universe 2002, diin nakoronahan ang ilang pambato nga si Oxana Federova, usa ka sundawo, apan nalangkatan da usab og korona human sa pipila ka buwan gumikan sa mga kalapasan.
Nasayran usab nga beterana na si Olga, gani siya maoy pambato sa Russia sa Top Model of the World nga gipahigayon pud sa China niadtong Disyembre. Igo ra siyang nasulod sa Top 30.