Matured tingnan sa tunay niyang edad na 19, ang bagong grand winner ng Pinoy Pop Superstar na si Maricis Garcia. Lalo pa siyang nagma-mature sa tipo ng music na kanyang kinakanta.
Kaya nag-iisip tuloy mabuti ang GMA kung paano siya ipa-package. Dasal din ni Maricris na mabasag niya ang sinasabing jinx effects ng mga naunang champions ng nasabing contest at nang umabante ang kanyang career.
Aminado si Maricris na madali siyang nag-mature hindi lang sa looks kundi maging sa kanyang pananaw sa buhay. Sa edad na 15 maagang nasabak sa trabaho as a singer si Maricris. Nalibot na niya ang lahat ng lounge at hotel sa buong Metro Manila lalo na ang Calesa Bar kung saan siya may regular shows bago siya nag-try sumali sa Pinoy Pop Superstar. At ngayon ay unti-unti na siyang nagmamarka sa SOP sa kakaiba niyang atake.
Bunso sa apat na magkakapatid si Maricris. Isang housewife ang mommy niya at project supervisor naman ang kanyang daddy sa isang construction firm.
Hanggang ngayon ay overwhelmed pa rin si Maricris sa kanyang pagkapanalo. Nakikilala na raw siya sa mall at sobrang busy na siya ngayon. Tumigil siya as Tourism student sa La Consolacion. Pangarap ni Maricris maging flight stewardess na 5’ 7 ang height at bawal pang mag-bf.
In fairness, maganda ang rehistro ni Maricris tuwing Linggo sa SOP number nilang “World Stars.” At talagang angat ang kanyang performance.
“Hindi ko kailangang bumirit. I just see to it, I give elegance to the songs I sing. Nagkakaro’n ng tatak kaya nagiging unique at sophisticated ang dating!”