Final na!

Kumpirmado na ang relasyong Toni Gonzaga ug direk Paul Soriano. Kini maoy tsika sa PEP kagabii.

Suma pa nga ang kumpirmasyon natigayon atol sa taping sa ABS-CBN morning show nga Boy & Kris kagahapon diin diretso nga gipangutana ni Kris si Toni kun sila na ba karon ni direk Paul.

Usa sa mga guest si Toni sa maong episode nga ipakita karong Biyernes. Surpresa usab alang kang Toni ang paglugwa ni direk Paul sa maong taping kagahapon.

Sa pangutana ni Kris kung gihigugma ba ni Toni ang direktor walay pupanuko ang lanog nga tubag ni Toni nga “Yes!” Sunod nga pangutana ni Kris: duna bay relasyon ang duruha? Si Paul ang mitubag og “Yes!”

Dihang gipangutana si Toni kun si Paul na ba ang lalaking dugay na niyang gipaabot, mitubag ang dalaga nga ang direktor mao ang tubag sa iyang mga pag-ampo.

Dihang gipangutana ni Kris sila si Toni ug Paul unsay saad nila sa usag-usa, matud ni Toni wala siyay ikasaad apan miluwat siya og mga pong alang ni Paul kinutlo sa Bibliya.“I thank God in every remembrance of you.”

Tubag ni Paul gikan usab sa Bibliya: “My heart will always be with you.”