Drama ng nagkaka-edad na aktres, buking!

Buking na buking ang drama ng nagka­kaedad na aktres na pihadong nakakaram­dam na ng mga inse­curity sa katawan.

Ang aktres ang nag­papasulat sa mga re­porter ng mga isyu tungkol sa kanya at siyempre, siya rin ang sumasagot sa mga isyu na siya rin ang nag-imbento.

Kinatatakutan nga­yon ang aktres ng kan­yang mga kaibigan. Ang feeling nila, any moment eh sila naman ang ga­gamitin ng aktres sa gimik para tuloy-tuloy at walang patid ang pag-apir ng kanyang name sa mga diyaryo.

Sino ang aktres? Daaay, hindi ko siya papangalan dahil ayo­kong magpagamit sa kanya. Hindi ko pina­ngarap na pati ako eh idamay niya sa kan­yang mga katsipan! Basta ang clue ko, hindi siya bold star at meron siyang weekly TV show!

* * *

Nakumpirma na nga na bangkay ni Rod Strunk ang natagpuan na dead sa parking lot ng Tracy Inn  sa Tracy, California.

Bayolente ang pag­kamatay ni Rod at kung hindi pa ito natsugi, hindi natin malalaman na nagpakasal pala siya sa isang uniden­tified Ame­rican lady.

Lumantad kaya sa libing ni Rod ang girl na pinakasalan niya? Bakit hiwalay na sila? May kinalaman ba ang pag­papakamatay ni Rod sa pakikipag­hiwalay ng kanyang misis?

Hindi pa nalulutas ang murder case ni Mama Nida Blanca at hindi na rin malalaman ang tunay na dahilan ng pagkitil ni Rod sa sariling buhay.

Nagpakamatay nga ba siya o biktima lang ng isang freak acci­dent? Walang witness sa nangyari kay Rod kaya suicide ang lu­mabas sa imbesti­gasyon ng mga pulis sa Tracy.

Habang isinusulat ko ito eh wala pang official statement si Kaye Torres tungkol sa pagpanaw ng kan­yang step-father na pinaghihinalaan na utak sa pagpatay sa nanay niya.

Marami tayong in­teresado na malaman at marinig ang paha­yag ni Kaye na anim na taon nang naghahanap ng katarungan sa pag­ka­matay ni Mama Nida.

Hindi pa handa si Kaye na magsalita da­hil hindi niya pinag­bigyan ang request ng Startalk staff noong Sabado.

Naiintindihan ko ang desisyon ni Kaye dahil marami pa itong gus­tong malaman tung­kol sa pagkamatay ni Rod bago siya mag-grant ng interview.

Hindi mahirap hu­mingi ng appointment kay Kaye dahil nagpa­paunlak ito noon sa mga imbitasyon ng Startalk.

* * *

Laman uli ng mga diyaryo si Philip Medel na nakakulong pa rin sa Pasig City Jail.

Si Philip ang nagda­wit noon kay Rod sa murder case ni Mama Nida pero binawi niya ang kanyang state­ment.

Hindi raw niya kilala si Rod at pinaninin­digan niya ang kan­yang sinabi na hindi sila magka­kilala.

Dahil sa pagbawi ni Philip sa kanyang state­ment, pinag­du­dahan ang kanyang kredibi­lidad. May mga tao na ayaw nang pa­niwa­laan ang mga statement niya.

Ang Nida Blanca mur­der case ang isa sa mga pinakamaingay na kaso na hindi pa nalu­lutas at malutas-lutas ng mga imbestigador.

Kung hindi pa nga namatay si Rod, hindi maaalala ng mga tao na un­solved pa rin ang kaso ni Mama Nida.

* * *

Sinulat ng isang reporter na secret lovers daw sina Diana Zubiri at Robin Padilla dahil nakita ang dalawa  na mag­kasama sa isang res­taurant.

Nakita lang na magkasama sa restaurant, secret lovers na? Ang reporter ba mismo ang nakakita kina Diana at Robin o may nagkuwento lang sa kanya?

Common sense, kung secret lovers ang dalawa, bakit sila mag­kikita sa isang public place?

Hindi nilinaw ng nagsulat kung may ibang kasama sina Diana at Robin. Hindi rin niya isinulat kung kailan at saan nangyari ang insi­dente? So, ang ibig sabihin, gumawa lamang siya ng conclusion kahit walang basehan ang kanyang ku­wento. Mapanganib ‘yan day.