Ang sexy nga batan-ong actrees nga si Katrina Halili napili na usab nga Philippines’ Sexiest Woman sa 2007.
Nalupigan ni Katrina ang laing 99 ka mga sexy celebrities tungod kay siya maoy gihatagan sa nahisgutang titulo sa FHM (For Him Magazine).
“Flattered ako. I wasn’t expecting talaga na manalo ulit ako this year” matud pa ni Katrina.
Ang grand event sa nahisgutang pasundayag gipahigayon niadtong Huwebes sa gabii sa Roxas Boulevard, Pasay City diin gidugok kini sa mga tawo kasagaran niini mga lalaki kinsa miabiba ni Katrina.
Nagbaha ang mga sexy nga babaye atol sa maong event diin bisan gani ang sponsor sa programa mipapaso sa ilang mga sexy nga modelo aron dili mobiya ang mga nanan-aw hangtud sa pormal nga pagsugod sa pasundayag.
Si Asia Agcaoili kolumnista sa FHM magazine ang mi-host sa maong event kinsa sexy usab kaayo ug nahimutang sa ika-19 nga pwesto nga pinakaseksi.
Si Cristine Reyes FHM August 2007 cover girl misurpresa sa tanan tungod sa gipakita niining confidence.
Si Joyce Jimenez usab nagpahinumdumon sa tanan nga siya maoy original nga “Pantasaya ng Bayan” apan nabantayan karon nga misamot pagkaseksi si Joyce karon kompara sa sauna.