Dalawang estudyanteng babae ang naringgan naming nag-uusap tungkol sa isang sikat na singer-actress na nabuntis at nakunan. Sinabi ni student A na minsan ay may dinalaw ang kanyang mommy sa isang sikat na ospital sa Alabang.
“Nagulat si mommy dahil nakita nitong binabantayan ng sikat ding singer ang kanyang mahal na actress-singer na nakunan daw at pinag-uusapan din ng ilang narses sa nasabing ospital.
Kung totoo ito ay di dapat pagtakhan dahil very vocal na ang dalawang involved tungkol sa kanilang relasyon.
GRAND WINNER NG PNTM
Deserving si Grendel Alvarado na manalo ng Philippines’ Next Top Model (PNTM) hosted by Ruffa Gutierrez. Ito ang kauna-unahang reality modeling series sa bansa na prodyus ng Solar Entertainment at napanood sa RPN 9. Tumanggap si Grendel ng kalahating milyong piso sa kagandahang loob ng Mane and Tail Shampoo at ang nagkaloob ng premyo ay si GM Albert Peña (nasa photo at Christian Datol, assistant GM.
Ilan pa sa mga bonggang premyo na natanggap ng magandang winner ay modeling representation with Stars Modeling Agency sa Hongkong, 8-page fashion editorial sa Preview Magazine, P150,000 pesos modeling contract with Saga Events, one year endorsement contract mula sa Cline group of companies, advertorials for L’Oreal Paris para sa isang taon for their local campaigns, one year body contouring program mula sa Marie France, one year complimentary treatment mula sa Facial Care Center at natural golden South Sea pearl necklace mula sa Jewelmer’s Pearl Ambassador to the World.
Maraming naniniwala na magiging isang matagumpay na model si Grendel kung saan pangarap ito ang grand winner sapul pa sa pagkabata.