Gidayeg sa beteranang kolumnista sa PangMasa Manay Cristy Fermin si kanhi Pinoy Big Brother housemate Gretchen Malalad, gumikan kay duna na kini maayo nga trabaho isip patrol reporter sa Umagang Kay Ganda.
Gani matud ni Manay Cristy nga bisan siya maoy polis mas pilion niya nga ni Gretchen ihatag ang istorya tungod kay guapa na, abtik pa. Ang problema lang matud ni Manay Cristy mao nga labihan ka paspas motabi ni Gretchen hinungdan nga magkasapid-sapid ang iyang dila.
Dinhi niining tungora mitambag siya nga angayan nga subayon og balik ni Gretchen ang iyang delivery, ingon man maniid usab siya sa estilo nila ni Dominic Almerol, Sol Aragones, Jay Ruiz “at ng napakagaling na news reporter sa Ingles man o sa Tagalog na si Ina Reformina.” Check! Si Ina matud pa ni Manay Cristy nga kanhi reporter sa Alas-Sinko y Medya, niadtong nagbase pa siya dinhi sa ABS-CBN-Cebu, tataw nga maayo gyud motabi.
“Napakasarap panoorin ni Ina habang nagre-report, lalo na kung annotation na ang labanan, naitatawid nito ang sitwasyon sa paraang parang nandun din tayo sa kanyang kinaroroonan.
Sana nga’y mabigyan na ng sariling programa si Ina, ang mga ganung talento ay hindi dapat nasasayang, ipinagmamalaki ang ganung kapasidad na iilan lang ang mayroon,” ni Manay Cristy pa.