Gidungog nga duna na karoy nagpadayon nga negosasyon tali sa GMA-7 ug sa kanhi nila talent nga young actress nga mibalhin sa ABS-CBN, nga misikat karon og maayo.
Suma pa nga ang maong talent sukad mibalitok ngadto sa nataran sa Kapamilya misamot ka hugyaw ang dagan sa career, napuno sa mga projects.
Posibli nga kini ang rason nganong nagtinguha ang GMA-7 nga mahibalik sa ilang poder ang young actress.Ang source sa PangMasa mibutyag nga usa ka Kapuso executive ang naki-istorya na sa manager sa young actress ug “name your price” ang offer.
Pwes kun ingon niini ang tanyag dili imposibli nga makahunahuna gyud og balhin si manager sa iyang talent balik sa GMA-7.
Nganlan ra unya sa Banat Hugyaw ang maong young actress kun duna nay positibo nga resulta sa negosasyon.