Napili kauban si Zsa-Zsa Padilla, si Maja Salvador, isip 10 Most Beautiful Women in the Philippines nga gipasiugdahan sa Mega Magazine. Tsika sa PangMasa nga ang lain pang walo nga non-showbiz mao sola si Helena Belmonte, model; Kelly Misa, model pud; Hindy Weber Tantoco, fashion designer; Bledes Fores, businesswoman; Crikette Tantoco, businesswoman; Monique Toda, marketing director; Apples Aberin Sadhwani, model and fashion columnist ug Priscilla Mereilles, beauty queen, model.
Suma pa nga ang nahisgutang magazine mihulagway ni Maja nga “face of the Cosmopolitan youth with her vibrant looks and chameleon-like quality that she used to full advantage, merging an aura of both innocence and sophistication.”
Kasamtangan endorser si Maja sa Folded and Hung. Suma pa sa mga kriteko, isip usa sa bida sa My Kuya’s Wedding, kauban sila si Ryan Agoncillo ug Pauleen Luna, tataw nga ang pagkahimo nga labing dakong bitoon sa showbiz ang bugtong nagpaabot ni Maja, kini kun tarungon lang niya og duwa ang iyang baraha.
Apan diha sa kabantog matud pa sa mga kriteko, kaluha usab ang sakripisyo, ilabi na ang may kalabutan sa gugma. Sa pangidaron ni Maja nga 18-anyos, isakripisyo ba ni Maja ang iyang malambuon nga career tungod sa gugma?