Taga Nueva Ecija ang midaog isip Mister Philippines International 2007 sa indigay nga gipahigayon niadtong Sabado. Siya si Ian Leonel Gacusan Porlayagan, 22 years old, dunay gitas-on nga 5’11" ug mao unyay pambato sa nasud alang sa 2007 Mister International Mexico City, Mexico. Ang pambato sa Sugbu, Joaquin Casado pakyas pagsulod isip finalist.
Nasayran nga si Porlayagan una na nga gitag-an nga maoy modaog sa maong indigay, ug matud pa naghinamhinam na pud siya nga makigtigi human wa siya manimaho sa Mr. Philippines World niadtong Pebrero. Samtang ang Ginoong Filipinas 2007 winner Denver Oliverez a.k.a. Dennis Barrion pakyas paglangkat og laing titulo. Si Genesis Cabrillas, 3rd Runnerup sa Ginoong Filipinas 2007 wala usab manimaho sa indigay niadtong Sabado.
Ang kanhi sakop sa Men of Provoq member Michael Raymond Lim napiling Mr. Philippines Expo World 2007, samtang ang kanhi usab sakop sa nabungkag nga banda 604, Fil-Canadian Nino Sazon napili nga Mister Philippines International. Duha ka mga Fil-German nga sila si Michael Koegel ug Carsten Ertel nahimong First ug Second Runnersup.