Buhion ang The Hunks?

Nagbaha ang mga hunks sa  bag-o pa lamang gilusad  nga Star Magic batch 15 sa ABS-CBN. Niadtong Domingo sa ASAP 07, pormal na sila nga gipaila sa publiko, isip mga bag-ong nawong nga mao na usay maghari sa telebisyon ug pelikula sa umaabot, nga maoy mosunod sa mga lakang nila ni Piolo Pascual, John Lloyd Cruz, Claudine Barreto, Sam Milby ug daghan pa.

Sa 17 ka mga bag-ong talents, siyam kanila mga lalaki, ug kasagaran niini dili na mga bag-ong nawong sa telebisyon sanglit milugwa na sa nagkadaiyang commercials. Tulo kanila mikawat og atensyon tungod sa kanindot sa lawas, dili hinoon kini ikahibulong tungod kay ang duha finalists sa Mr. World Philippines 2007 niadtong Pebrero ug ang usa maoy Century Tuna Superbod 2006.Mahimo kaayo nga maghimo og bag-ong Hunks ang Star Magic hulip sa kaniadtong gilangkuban nila ni Bernard Palanca, Diether Ocampo, Jericho Rosales, Carlos Agassi ug Piolo.

 Puma de Borja, kaniadtong Peiman Gomari

18 years old, Filipino-Persian; Student, Business Administration, College of Saint Benilde; Miduwa alang sa Philippine Soccer Team; endorser (Hansel Biscuit and Head & Shoulders with actress Angel Locsin); ubos sa pagdumala sa Victorio Modelling Agency Mr. Photogenic sa Mr. World Philippines 2007 in February, apan napildi ni Emmanuel Mago