Dionne ug Sam na, sa Your Song

Breaking Up Is Hard To Do- kini maoy uluhan sa Your Song episode karong hapon sa ABS-CBN human sa ASAP-07. Dinhi maaninaw sa nasud nga Pilipinhon ang dakong potensyal sa pag-arte sa Sugbuanong kanhi  housemate sa Pinoy Big Brother nga si Dionne Monsanto. Check! Si Dionne sa tanang mga napalayas gikan sa “Bahay ni Kuya” ang labing unang nahatagan og TV project. Ug dili kini basta-basta nga kahigayonan tungod kay kauban niya dinhi niining maong episode ang duha ka mga prime talents sa Kapamilya network nga sila si Sam Milby ug Pokwang.

Sa nahisgutang episode, maid o katabang ang papel ni Dionne. Si Pokwang ang iyang amo nga uyab ni Sam kinsa usa ka buta. Aron mapatuo ni Pokwang si Sam nga maanyag siya, ang nawong ni Dionne ang kanunay niyang ipahapuhap. Unsay samputan niining tanan? Atangi karong hapon sa Your Song entitled “Breaking Up Is Hard To Do.”

Hmp..dunay kissing scene si Dionne ug Sam!