Isang bongga at pinaka-ispesyal na album ang inihahanda ngayong gawin ng international singer/songwriter/record producer Freddie Aguilar para sa nalalapit niyang ika-30 taon sa music industry. Dahil dito, nais muling tumuklas at magbigay ng break sa recording si Ka-Freddie sa mga marurunong umawit.
Sa pakikipagtulungan ng Tri-Media Entertainment Production sa Aguilar Music Ent., naghahanap ng mga babaeng magagaling umawit, edad 18-25, propesyonal man o amateur singers. Importante, dapat maganda, seksi bukod pa sa may kakaibang ganda ng boses.
Ang mapalad na mapipili ay magiging instant recording star ng Aguilar Music-kung saan unang recording niya e, makaka-duet niya si Ka-Freddie sa isang awiting ipapaloob sa “30 Years of Ka-Freddie Aguilar The Album.”
May live audition ito na biglaan o posibleng gawin kung saan may gig si Ka-Freddie tulad halimbawa sa Hobbit House.
Sa mga interesado, agad kayong magpadala thru LBC or JRS Express ng inyong resume or bio-data with close-up photo. Pwede rin kayong mag-email ng inyong bio-data and photos sa charlie lozo_media@yahoo.com at pwede kayong mag-email-txt us sa 09198449990. — CHARLIE V. LOZO