Hindi namin knows kung natuloy kahapon, Huwebes ang pagpapa-blotter ni Myka Bautista, myembro ng Sexbomb dancers sa pulis dahil may stalker siya at kung anu-ano ang pinagti-text sa kanya na ikinabahala ng pamilya niya.
Ayon sa manager ni Myka na si Joy Cancio ay ipapa-blotter daw nila ang taong nananakot at nagsasabing papatayin si Myka para sa proteksyon ng dalagita.
“Syempre, hindi makapag-concentrate si Myka, ikaw ba naman ang makatanggap ng halos oras-oras ng babala na mag-ingat siya dahil papatayin siya? Ano bang ginawa ni Myka para pagbantaan siya?” pahayag sa amin ni Joy sa kabilang linya.
At ire-report din daw nila sa National Telecommunications ang numero ng taong nagti-text sa dalagita.
Samantala, tuwang-tuwa naman ang grupo dahil panalo sa ratings game ang pilot episode ng Tok, Tok, Tok Isang Milyon Pasok nung Linggo kasama si Paolo Bediones.
* * *
Hindi pa namin nakakausap sina Rayver Cruz at Shaina Magdayao kung totoong namatay na ang anak-anakan nilang si Rain (mini-pincher dog).
May nagpadala sa amin ng text message na nagsasabing, “Alam n’yo po ba, patay na si Rain, ‘yung regalong aso ni Rayver kay Shaina kasi hindi nabantayang mabuti, ni Shaina kasi super busy siya.
“Nakakalungkot po kasi mahal na mahal ni Rayver si Rain, tapos namatay pa, ano po kaya ang meaning no’n?”
Aba’y ano naman kaya ang magiging meaning kung namatay man ang aso, e, sa namatay, eh, sabi namin sa texter.
At nakakaloka, sinagot kami ng, “Ibig pong sabihin ay dahil may John Prats si Shaina.”
Hala, may ganung isyu talaga? Anyway, balita rin namin ay tila itinigil na raw ni Rayver ang panliligaw sa bunsong Magdayao, so meaning, trulili ang John at Shaina item? –Reggee Bonoan