Gibuking ni Keanna Reeves sila si Cogie Domingo ug Angel Locsin nga parehong wala dinhi sa nasud karon busa dili mapangayuan og reaksyon. Si Cogie atua sa Amerika, samtang si Angel milarga paingon sa China alang sa ilang taping sa Asian Treasures.
Ang pagpamuking ni Keanna nahitabo sa usa ka dinner event niadtong milabay nga gabii, diin gitin-aw niya nga dili tinuod nga duna silay relasyon ni Cogie ug labaw na nga walay nahitabo nila sexually.
Suma pa ni Keanna nga imposibli nga magkarelasyon sila ni Cogie, friends ra gayud sila tungod kay nasayud siya kinsay crush sa young actor. Matud ni Keanna nga dili pod uyab si Lovie ug Cogie, ang crush ni Cogie matud pa niya big star sa GMA-7, gwapa, sexy ug taas og buhok. Nagkanayon si Keanna nga nasuta niya kini dihang gidala siya ni Cogie sa balay niini makausa ug pagsulod niya sa bathroom nakita niya ang hulagway sa aktres.
Dili lamang usa ka hulagway sa aktres ang nakita ni Keanna, kundili daghan gayud kay ginunting kini ni Cogie gikan sa nagkadaiyang mga magazines.
Dihang gipangutana sa PangMasa kun si Angel Locsin ba ang iyang pasabot, igo lang mipahiyom og makahuluganon si Keanna.
Samtang happy ang lovelife ni Keanna, sila gihapon ni Sofian ug magkasosyo sila sa negosyo nga electronic gadgets. Mopahuway una siya kay bag-o lang nahuman ang “Maging Sino Ka Man” pero nag-andam siya para sa book two niini. Aduna silay workshop sa Hulyo ug basin sa Agosto, unya magsugod na pod sila og taping