John Wayne badlongon gihapon

Gisapot ang kadaghanan sa movie press nga mitambong sa presscon nga gipasiugdahan sa Star Magic alang kang John Wayne Sace niadtong milabay nga adlaw.

Tsika sa PangMasa nga dihang naglami na ang interview, nananghid si John nga mobiya una makadiyot aron mohatag og katahuran kang Direk Johnny Manahan nga miabot sa dapit nga gipahigayon ang presscon, apan kalit na lamang nawala ang young actor ug wa na gayud igkita pa.

“Umuwi na pala siya, hindi man lang nagpaalam eh iniinterbyu pa siya. Ano ba naman ‘yung bumalik siya sandali at magpaalam nang maayos,” matud pa sa usa ka reporter nga usa sa mga naglingkod sa lamesa nga gitalikdan ni John Wayne.

“Naku, akala namin, nagbago na siya, hindi pa rin pala. Paano nga siya magkakaroon ng career niyan?” imbiyerna pa gihapong litanya sa reporter.

Usa ka lamisa sa mga reporters ang wala pakitai og maayong pamatasan sa batan-ong aktor, pwes tungod sa iyang gibuhat, gipaabot nga magpusot-pusot ang negatibo nga publicity batok sa young actor.