Regine ug Ogie,  sa Amerika magpakasal?

Misibaw ang mga balita nga hayan sa Amerika magpakasal sila si Ogie Alcasid ug Regine Velasquez.

Kini human usab positibo ang tubag sa Asia’s Songbird nga sa kasal mosampot ang tanan alang ni Ogie.

Ang maong pamahayag ni Regine giluwatan niya human sa premiere night sa ilang pelikula ni Piolo Pascual “ Paano Kita Iibigin,” niadtong Martes sa gabii.

Ang mga pagdudad nga adto sila sa Amerika magpakasal ni Ogie mitumaw human usab si Ai-ai delas Alas nga nahinabi sa mga tigbalita sa presscon nga gipahinungod alang kaniya sa Belo Medical Group isip labing bag-ong endorser sa Smart Lipo, mitino nga mosunod si Regine nila ni Ogie sa Amerika.

Kagahapon sa alas singko sa hapon mibiya sila si Ai-ai ug Ogie paingon sa Amerika alang sa ilang concert tour. Niadtong Lunes, gitino sa Comedy Queen nga mosunod ang Asia’s Songbird nila tungod kay guest kini sa ilang show sa San Francisco California ug Chicago.

Gikinahanglan nga magpabilin una ni Regine tungod kay siya maoy mo-host sa grand showdown sa Pinoy Pop Superstar ugma sa gabii.