Bakit walang nagsabi kay Pacquiao na ang Congressman ay Representative rin?

Nung huwebes nang gabi ay umuwi na sa Tabuk, Kalinga ang mag-inang Love Joy at Ranz Fajardo, dun na mag-aaral ang anak ni Franzen, titira ang mag-ina sa pamilya ni Love Joy.

Nag-bus lang ang mag-ina, si Joy na ang kusang umiwas sa away nila ni Franzen, ang Diyos na lang daw ang bahala sa kanilang dalawa.

Umalis ang kanyang anak nang hindi man lang nakita ni Franzen, ang katwiran ng komedyante ay ayaw daw nitong magpunta sa bahay ng pinsan ni Joy na pansamantalang tinirhan ng mag-ina nung magkahiwalay sila, hindi raw nito pinagkakatiwalaan ang maaaring gawin ng pamilya ng kanyang asawa.

Parang bumabalik ngayon ang kapraningan ni Franzen na nakita natin noong nasa loob pa ito ng Pinoy Big Brother house, kung anu-ano ang iniisip ni Franzen, takot na takot ito sa mga kilos ni Joy ngayon.

Walang dapat ipag-alala si Fran­zen kay Ranz, kaharap kami nung sabihin ng ina ni Joy na anuman ang mangyari ay mabubuhay ang bata sa probinsya, ang tanong ay kung mag­kakaroon ba naman ng katahi­mikan ng ka­looban si Franzen sa gitna ng mga pang­yayaring ito?

“Diyos na po ang bahala sa aming da­lawa,” sabi na lang ni Love Joy.

*  * *

Kinumpirma ng aming source na sa Amerika nga mag­kikita sina Yilmaz Bek­tas at Ruffa Gu­tierrez, sa paglabas ng kolum na ito ay baka nga nagkita na ang mag-asawa, ito ang magiging senyal kung ta­tang­gapin pa ba ni Ruffa ang pa­­kiki­pagbalikan ni Yilmaz sa kanya. Tawa­sin man nga­yon si Ruffa ay hinding-hindi na siya babalik pa sa Istanbul, sa isang neu­tral place sila kailangang mag-usap ni Yilmaz at kailangang meron siyang kasamang kapamilya sa masin­sinan nilang pagtalakay sa kanilang re­lasyon.

Kasamang umalis ni Ruffa ang kan­yang ina, hindi mapapakali si Tita Anna­belle Rama nang malayo sa kanya si Ruffa, hindi rin ito natata­kot na makipag­harap sa kanyang manu­gang.

Hindi naman nagpa­ka­ipokrita si Ruffa, sa kan­yang panayam na­man ay inamin ng ak­tres-beauty queen na hang­gang nga­yon ay mahal pa rin niya ang ama nina Lorin at Ve­nice, kahit ang source na­min ay nanini­walang sa ma­gan­da mauuwi ang se­nar­yong ito.

*  * *

Ano ba naman yun? Wala bang nagpapaliwa­nag kay Manny Pac­quiao na ang terminong repre­sentative ay ka­sing­­kahulugan din ng pagi­ging congressman?

Sa isang interbyu ay tinanong ng reporter si Manny, “Ano ang masa­sabi mo, kapag nanalo ka ngayong eleksiyon, ikaw na ang magiging repre­sentative ng lugar ninyo?”

Ang sagot ni Pac­man, “Hindi, congress ang tinatakbuhan ko!”

Aysus!

*  * *

Suntok sa buwan ang ginagawang pang-aaba­la kay Governor Vilma Santos ng tinalo niya nung halalan, sa laki ng kalamangan niya dito ay nagbabanta pa rin ang kanyang tinalong pulitiko na maghaha­bol, ganun nga siguro katindi ang kaway ng kapang­ya­rihan sa mga na­sanay na sa kani­lang puwesto.

Hindi naman ilang libo lang ang margin ng boto ng aktres-pulitiko sa naghahabol nga­yon, daang libo ang pinag-uusapan dito, paano naman pagbi­bintangan si Governor Vilma na nan­daya sa napakalinaw na nu­merong naging re­sulta ng kanilang laban?

“Hindi ko kayang gawin ang ibini­bin­tang nila, hindi ako yun, hindi ko masisik­mu­rang gawin yun dahil palagi akong na­nini­wala sa isang pare­has na laban,” reaksyon ni Governor Vilma.

Naman! Ang ma­higit na isandaang libong boto ba ay produkto ng da­yaan sa pamama­gitan ng vote buying? Bakit kasi hindi na lang tangga­pin ng puliti­kong yun na sa isang laba­nan ay may na­nanalo at natatalo.

Nagkataong si Gov­ernor Vilma ang na­luklok, ito ang hindi pinalad, mahirap bang tanggapin ang malakas na sigaw ng katoto­hanan?

Susmaryosep na­man!