Kinsa kaha ang mamahimong pinakaunang El Rancho Singing Idol? Mahibaw-an na kini karong Mayo 26 kay pagahimoon na ang grand finals sa search for "El Rancho Singing Idol: Kinawboy Ni!" anha sa SM City Entertainment Plaza. Magsugod ang bangga sa kinakusgang yodel sa alas tres sa hapon karong Sabado puhon. Busa ayaw sipyata ang maong kalihokan kay may kahigayonan usab kamong makadaug og mga produkto gikan sa maayong kabubut-on sa Virginia Food, Inc. - ang tiggama sa El Rancho Corned Beef Loaf.
Kahinumduman nga sobra sa usa ka gatos ang nanimpalad atol sa mga gipahigayong screenings sa upat ka mga locations aron maka-qualify para sa upat ka big nights, diin 60 ka mga semi-finalists ang gihashasan na sab alang sa nagdanga-dangang grand finals. Karong Sabado, mailhan na gyud ang kinakusgang cowboy human sa tigi sa El Rancho Singing Idol.
Usa ka dosena ang grand finalists gikan sa amihanan ug habagatang distrito sa dakbayan sa Sugbu, ug gikan sab sa mga dakbayan sa Mandaue ug Lapu-Lapu.
"The finalists are also to pay tribute to Filipino music by way of their all-OPM production number," mao kini ang pamahayag sa Virginia Food, Inc. pinaagi sa Paper Bag Concepts.
Mohalad usab sa iyang talento, isip dinapit, si Chad Borja nga usa sa mga garbo sa Sugbu sa natad sa pagkanta. Siya ang molingkod isip pangulo sa mga hurado.
Ang mga finalists mao sila si Maria Glo Rendon (V. Rama), Faustino Villarta, Karen Rose Nuneza, Chiezl Valmoria, ug Eric Abaquita (tanan taga Lapu-Lapu), Romel Roseque ug Gay Nagrama (taga Mabolo), Charmine Monternel (Lorega), Arman Mahinay (Mabini St.), Nimfa Dakay (Pasil), John Aguilar Montera (Lahug), ug Esterlina Olmedo (Talisay).
Mahitabo usab atol sa maong pasundayag ang paglusad sa labing bag-ong produkto sa Virginia Food, Inc. "Duha nahimong usa" tungod kay nagsambog naman ang lami sa corned beef ug beef loaf diha sa El Rancho Corned Beef Loaf.
"Sensitive to the needs of consumers, the El Rancho Corned Beef Loaf is VFI's way of serving affordable, but quality and delicious food to every Cebuano family's food table," mao kini ang giluwatan sa VFI nga pamahayag likod sa pagkamugna sa maong produkto.
Alang sa ipahigayong raffle, isulat lang ang kompletong pangalan, address, ug contact number sa likod sa bisan unsang VFI product label. Mahimong ihagbong sa mga customers/consumers ang maong mga labels atol sa grand raffle draw karong Mayo 26 gikan 9 am hangtod 3 pm diha sa SM Entertainment Plaza diin ibutang ang drop box o tambiolo. Ang mga mananaug i-notify pinaagi sa registered mail o kaha phone call. Ma-claim ang premyo sulod sa 30 ka adlaw gikan sa petsa sa draw. Ang mga mananaug magdala lang og usa ka valid ID alang sa pag-claim sa ilang premyo. Ang tanang non-winning entries salin sa "Barangay Big Nights" nga gipahigayon diha sa barangay Tisa, Subangdaku, Talamban ug Gun-ob automatic nga maka-qualify gihapon sa grand raffle draw.
Ang tigi dalit kanato sa VFI, kaabag ang Paper Bag Concepts, Island Paints, SM City Cebu, Hot FM ug SKYCable. Alang sa dugang kasayoran sa mga VFI promos ug campaigns, pagpakisayod sa Paper Bag Concepts Advertising sa 232-7648 hangtod 49. O bisitaha ang ilang pamuhatan sa Unit 205, Krizia Bldg., Gorordo Avenue, Cebu City. Ang Virginia Food, Inc. naa mahimutang sa 840 G&L Bldg., A.S. Fortuna St., Mandaue City. Tawag sa telepono isip 344-8648 alang sa listahan sa ilang mga produkto para sa saktong label nga inyong gamiton sa raffle promo.
* * *
Atangi usab ang atong pagahimoon nga prayer vigil alang sa kapahuwayan sa kalag sa usa sa mga waiters sa Handuraw Events Café nga gipusil patay niadtong kadlawon sa Lunes, Mayo 21. Maghulat pa ko sa go-signal ni Miss Zarah Smith kon kanus-a ipahigayon ang prayer vigil. Isibya ang mga kalamboan sa tulumanong "BisrocKabataan" MWF 10 am hangtod udto sa Smash FM. Mga pahasubo sa banay sa biktima gikan namo diri sa The FREEMAN-Banat family ug sa tanang nahimong kabahin sa Handuraw Events Café.