Nagpunay og limod si Anne Curtis sa tinuod nila nga relasyon ni Sam Milby tungod kay matud pa niya suod lamang sila nga higala gumikan sa Maging Sino Ka Man. Pirming tubag ni Anne nga kun duna man gani labing suod nga lalaki karon sa iyang kasing-kasing kana walay lain kundili si Luis Manzano nga iyang soulmate.
Apan ang tsika sa PangMasa nga kun motekang ka sa compound sa ABS-CBN mikaylap na ang balita nga uyab na gayud ang duruha. Bisan kinsa matud pa ang pangutan-on mutubag nga labaw pa sa panag-higalaay ang relasyong Sam ug Anne.
Gani dunay nangutana nganon nakit-an si Anne nga naghilak samtang naglakaw sa compound sa ABS CBN niadtong milabay nga adlaw. Gipahilak ba siya ni Sam?
Dunay mga himantayon nga miingon nga ang paghinigugmaay nila ni Sam ug Anne matud pa haom sa titulo sa ilang teleserye, Maging Sino Ka Man, with John Lloyd Cruz and Bea Alonzo.
Mahuman na ang MSKM karong Friday, May 29, apan gikatahong duna pa kini book two diin mawala na si Anne ug ihulip si Angelica Panganiban nga milugwa na niadto pang first week of May.