Nanliligaw ba si Victor Basa kay Carla Humphries sa tunay na buhay?
Aminado si Victor na takot siyang manligaw for fear na baka tumanggap siya ng rejection. Dating modelo si Victor at second year college student sa La Salle.
Ano ba ang katangiang hinahanap niya sa isang babae? Iyon daw witty at siyempre maganda tulad ni Carla.
Samantala, mukhang madaling naka-recover si Carla sa kanilang failed relationship ni Janus del Prado. Truth to tell ay tila si Janus ang hindi madaling nakalimot. Sa ngayon ay free as a bird si Carla na sa ganda at taas na 5’7” ay pwedeng kumandidata sa beauty pageant.
Ewan lang namin kung type niya si Victor na ipalit kay Janus sa tunay na buhay.
*****
Iisa ang description nina Robin Padilla, Aiai delas Alas, Bayani Agbayani, Bong Alvarez at Celia Rodriguez kay Cesar Montano. Isa itong taong may prinsipyo at may paninindigan. Kaya naman todo ang suportang ibinibigay nila para sa aktor na tumatakbo bilang senador sa May 14 eleksyon.
Pinatunayan ni Cesar na pwede niyang talikuran ang kayamanan sa di niya pag-endorso ng anumang uri ng alak o sigarilyo. Kung nagawa niya ito noon ay kaya rin niyang gawin ito sa sandaling ilukluk siya sa senado na kung saan malakas ang tuksong dala ng kapangyarihan at salapi.
– REMY M. UMEREZ