Richard, hindi na ginagamit ang hikaw ni Angel?

Marami sa mga nag-attend ng press launch ng Lupin, ang pinaka-bagong teleserye ni Richard Gutierrez na magsisimula bukas, Abril 9, sa GMA7, at maging sa mga eksena niya sa mga trailer na ipinalalabas ngayon sa TV ang nagtatanong kung bakit hindi na niya isinusuot ang napaka-kontrobersyal na hikaw na brilyante na ibinigay sa kanya ni Angel Locsin.

Hindi na ba niya kailangan ang swerte na sinabi niya dati na ibinibigay sa kanya ng hikaw?

"Hindi naman, wala lang sa character ni Lupin ang magsusuot ng ganung hikaw, siguro baka later on kapag na-established na ang story," sabi niya.

Samantala, aware si Richard na ipangtatapat ang kanyang bagong serye sa bago ring serye na sisimulan sa ABS CBN at sinabi niyang "Ginagamit ko lang ang pangyayaring ito as a motivation para lalong mapaganda ang trabaho ko. I love the competition. I work hard for the series dahil I hate losing.

"Maganda ang Lupin, wala akong power dito kaya masarap paglaruan ang character ko. Compared to Sugo, physical ang fighting ko dun, choreographed but in Lupin more of stunts ito, mahirap kaya wala akong choice kundi gumamit ng double paminsan-minsan pero, kung hindi naman masyadong mahirap I do the stunts myself. At kahit madalas ayaw ng production, I am able to convince them.

"Hindi ako magsisinungaling pero talagang kapag ako mismo ang gumagawa ng stunts ko ay may kaba ako pero, kapag nakikita ko na ang resulta, ang outcome, nakakaramdam ako ng fulfillment. I often chal lenge myself kung ano pa ang pwede kong gawin because parang nagawa ko nang lahat sa Sugo."

Hindi naman pinaba yaan ng GMA7 si Richard, katunayan, binigyan nila siya ng isang powerhouse cast (Katrina Halili, Ehra Madrigal, Boy 2 Quizon, Ara Mina, Tirso Cruz lll, Lani Mercado, Ramon Christopher, Rhian Ramos, Janno Gibbs, Ricky Davao, Polo Ravales, Bearwin Meily, LJ Reyes, Alicia Alonzo, Almira Muhlach, Abigail Cruz at Sandy Talag), isang magaling na headwriter (Suzette Doktolero), isang mahusay na creative team (RJ Nuevas, Jules Katanyag, Zita Garganera at Kit Villanueva-Langit) at isang magaling na direktor, (Michael Tuviera).

* * *

Yung ti nahi-tahimik ni Ciara Sotto at walang sinasabi tungkol sa balitang ugnayan nila ng kanyang kasamahan sa Eat Bulaga na si Paolo Ballesteros, yun pala isang taon nang may namamagitan sa kanila ng isang non-showbiz guy na bagaman at marami ang nagsasabing sila na ngang dalawa, itinatatwa pa niya ito sa pamamagitan ng pagsasabing nasa getting to know each other well pa lamang daw sila.

"Ayaw ko namang sa akin manggaling ang pag-amin. Eh, paano kung i-deny niya? Siguro siya na lamang ang tanungin n’yo," sabay turo sa isang lalaking madalas niyang makasama sa mga lakaran ngayon at muli ay escort niya sa press launch na ibinigay ni Mother Lily Monteverde ng Regal para sa kanyang amang si Tito Sotto na tumatakbong senador ngayong eleksyon.

Nakilala ni Ciara ang kanyang boyfriend ngayon na isang financial adviser/analyst sa US nang mag-remote telecast dun ang Eat Bulaga. Matanda ito sa kanya ng limang taon at taga-Balanga, Bataan.

Kumpara sa mga nakaraan niyang karelasyon, sinabi ni Ciara na ipaglalaban siya ng bagong lalaki sa buhay niya na nagngangalang Joselito Oconer.

Paano na si Paolo?

"Magkaibigan lang.