Lovi, natakot sa effect ng whitening pills

Effective ang whitening pills na iniinom ni Lovi kaya ang laki ng ipinagbago ng balat nito, na infairness ay talagang pumuti siya at nagmukhang flawless.

Pero hindi na pala nito itinuloy ang pag-inom dahil natakot siya sa side effects ng gamot. Sa halip ay regular siyang nagpapa- body wax sa parlor. Masyado kasi siyang balbon kaya nagmukha siyang morena na bagay naman dahil ito ang natural niyang ganda. Ngayon ay pumuti na si Lovi pero hindi halata sa TV. Sumeksi rin si Lovi dahil regular siyang naggi-gym at boxing na sinamahan pa ng no rice diet.

After graduation ay wish niyang makapasa sa entrance exam sa UP o sa Campbridge at kukuha siya ng Entrepreneurship course dahil gusto niyang mag-business balang araw.

Excited na rin si Lovi ngayong summer dahil sisimulan na nitong i-record ang kanyang second album sa Sony BMG Records habang no. 1 naman sa radio ang single niyang "Kung Puwede Lang". This time ay isasama na sa kanyang second album ang mga sariling composition nitong mga kanta.

* * *

May promise ang bagong soul singer artist ng Universal MCA Music na si Julianne Tarroja, 24 yrs. old na hindi lang beauty and brain kundi talagang talented singer.

Forte ni Julianne ang jazz, blues at soul music na bagay sa husky nitong boses na naririnig na sa radio sa kanta niyang "Tulak ng Bibig." Marunong din siyang tumugtog ng piano at gitara.

Galing siya sa isang banda at na-discover nang minsang narinig kumanta sa isang show ni Arnee Hidalgo at kinulit na siyang magsolo ng MCA Music.

Thesis na lang ang kailangan ni Julianne at tapos na siya sa kursong interior design sa Phil. School of Interior Design. Strong ang personality nito at mahilig mag make-up at pumorma. Siya rin ang gumagawa ng sarili niyang jewelries. Masarap din siyang magluto. Marunong siya ng Italian at Spanish delicacies na tinuro ng kanyang lola. Pero pinaka-gusto niya sa lahat ang mag-bake.

Ang "Julianne Grateful" album na siya ang nag-compose ay naglalaman ng "Tulak ng Bibig," "Grateful," "Choose To Believe," "Queen In Me," "Let It Rain," "Unsaid," "Healing," "Empty Chains" at "Thank You."