Kilala ang dating child wonder na si
Niño Muhlach sa pagiging ‘chickboy’ kaya hindi kami nagulat sa balitang may lumantad umano itong isang 11-year-old daughter sa isang non-showbiz girl na nakarelasyon niya noon. Bukod pa ito sa kanyang anak na si
Martinno Sandino na anak niya sa kanyang ex-wife na si
Edith Millare. Ang ipinagtataka naman namin sa ina ng bata, bakit ngayon lamang siya lumantad kung kelan malaki na ang bata?
Ang ina na umano ni Niño na si
Rebecca Rocha na kasalukuyang nagbabakasyon sa bansa ang unang nakaalam nito at siya namang nagsabi sa kanyang panganay na may isa pa itong anak na babae na onse anyos na ngayon.
Tinawagan namin si Onin para kunin ang kanyang pahayag tungkol sa nasabing isyu pero hindi namin ito mahagilap.
Kakaiba ang naging launch ng
Pinoy Big Brother Season 2. Hindi sabay-sabay na ipinakilala ang 14 na bagongÿÿ housemates. Anim lang muna – ang Fil-Australian na si
Ezekiel, ang dating
Bb. Pilipinas Tourism 2005 na si
Wendy, ang taga-Iloilo na si
Neil, ang dance instructress from Bacolod na si
Saicy, ang cheerleader na si
Gee-Ann at ang half-Austrian at half-Filipino na si
Mickey na di raw marunong ng ibang lengwahe kundi German, yun pala gimik lang ito dahil nakakapagsalita ito ng Ingles.
Unpredictable ang mga plano ni Big Brother kahit sa pagpasok ng iba pang natitirang housemates kaya kailangang tutukan gabi-gabi ang
PBB para malaman kung ano ang susunod na puwedeng mangyari.
E-mail: aamoyo@pimsi.net