Dennis, bida-kontrabida sa Super Twins?

Marami ang nagtaka kung bakit tinanggap ni Dennis Trillo ang kanyang role sa Super Twins na ang mga bida ay sina Jennylyn Mercado at Nadine Samonte at ang lahat ng kasama nila ay pawang suporta na lamang ng dalawa. Lalo pa’t minsan ay sinabi ni Dennis na tila hindi muna siya tatanggap ng telefantasy, eh ito ang kategorya ng Super Twins.

Until Director Dominic Zapata mentioned na bukod sa pagiging mentor siya ng Super Twins ay meron pa ring lihim na kaakibat ang kanyang role na marahil ay mayro’ng koneksyon sa isang character sa serye, isang naka-maskarang character na hindi sinabi kung sino ang gumaganap during the presscon.

Hindi siguro malayong hinalain na there’s more to Dennis’ role, na something more important will come out in the future. Na magkakaro’n ito ng malaking kaugnayan sa role ni Dennis na sinabi ng direktor na magiging kakaiba.

Interesting malaman kung bakit tinuruan pa niya ang kambal kung siya rin pala ang sisira sa kanila.

Kasama pa rin sa Super Twins na magsisimula na sa Peb. 12, kapalit ng Atlantika sina Tetchie Agbayani, Marian Rivera, Cristine Reyes, Patrick Garcia, Luz Valdez, Ian de Leon, Camille Prats, Bianca King, Dominic at Felix Roco, John Feir at marami pang iba.

* * *

Ano kaya ang mas pipiliin ni Aquano (Dingdong Dantes) sa pagtatapos ng Atlantika sa linggong ito, ang kaligtasan at kapayapaan ng Atlantika o ang pag-ibig niya kay Amaya (Iza Calzado)?

Magtagumpay kaya si Barracud (Ariel Rivera) sa pagsasagawa ng kasukdulan ng kanyang plano na sakupin di lamang ang karagatan kundi maging ang buong daigdig sa pamamagitan ng Polaris?

Saksihan kung paano malalampasan ni Aquano ang matinding pagsubok sa kanyang kakaharapin. Mapapanood hanggang Pebrero 9, pagkatapos ng Asian Treasures sa GMA Telebabad.

* * *

E-mail: veronicasamio@yahoo.com