May namumuo nang relasyon kina
Anne Curtis at
Sam Milby dahil may isang kaibigang taga-showbiz na nakakita sa kanilang dalawa sa Powerplant Mall sa may Rockwell kamakailan.
Sweet na sweet ang dalawa at wala silang kasamang barkada o kaibigan. Nabuo ang relasyon ng dalawa sa seryeng
Maging Sino Ka Man. Akala pa naman namin ay seryoso ito kay
Toni Gonzaga pero biglang nabaling ang pansin sa mestisang aktres. At balitang nagpasabi na ito kay Toni tungkol sa kanila ni Anne, ayon sa isang source.
Idolo pala ni
Ella Guevarra si
Angel Locsin. Gusto niyang sundan ang yapak nito na bukod sa magaling na artista ay mabait pa.
Sinabi ni Ella na libangan niya ang manood ng sine lalo na yong pambata. Nag-enjoy siya sa panonood ng
Charlotte’s Web dahil kahit mga hayop ay pinahahalagahan pa rin ang pagkakaibigan.
Si Ella ang gumanap na batang Angel sa
Asian Treasures at visible din sa mga TV guesting sa
GMA 7.
| Star- Struck School Fair Sa Sis |
Nakakakilig ang unang buwan ng Pebrero sa
Sis. Bisita ngayong Huwebes ang kilig na mga pares ng
StarStruck Batch 4. Sino kaya ang mabibiktima ng marriage booth, jail booth, kissing booth at kung anu-ano pang sorpresa?
| Natupad Ang Pangarap ni Ihman! |
Matagal nang nangangarap na maging direktor ni
Ihman Esturco. Hindi nga niya sukat akalain na magiging direktor siya at pagtiwalaan ng
Daven Productions International. Nakatulong ang pagiging stage actor nito nang gawin ang first directorial assignment niya na
Troika (Threesome) na ginampanan ng baguhang mga aktor na sina
Mara Altiera,
Jamil Basa at
Andre Soriano. Malaking suporta ang ibinigay nina
Criselda Volks,
Lauren Novero,
Raven Villanueva at
Lara Morena.
Masaya si Ihman dahil naipakita niya ang reyalidad ng buhay sa
Troika na kapupulutan ng magandang mensahe ng mga manonood.
| BLIND ITEM: Pito Ang Anak Ng Action Star? |
Ayon sa isang source nasabi niya na talagang pito ang anak ng isang gwapong action star. Noong hindi pa ito kasal sa kanyang asawang aktres ay may nabuntis daw itong nonshowbiz girl. Ito bale ang panganay na anak ng action star na dalagita na ngayon.