Jose Mari Chan, nasa 1st National Arts Fair Bacolod

Tunay na mahal ng pamosong balladeer-composer na si Jose Mari Chan ang kanyang mga kapwa-Ilonggo dahil mahal din naman siya ng mga ito. Sa pagbubukas ng 1st National Arts Fair sa March sa Bacolod City, dadalo siya at syempre maghahandog siya ng mga awiting nagpasikat sa kanya!

Ang 1st National Arts Fair ay isang pagtitipon ng mga visual artists, gallery owners, art collectors and bookers ng buong bansa. Itinataguyod ng National Commission for Culture and the Arts (NCCA) at ng Negros Cultural Foundation (NCF) sa tulong ng Committee on Art Galleries ng NCCA, ito’y gagawin sa Feb. 28 hanggang March 3. May apat na kategorya ang perya: Art Fair, Art Chat, Art Exchange at Art Experience.

Para sa iba pang detalye, tumawag sa MerkCom sa 7501481 hanggang 83 o kaya’y mag-email sa [email protected] o sa [email protected]. — DENNIS ADOBAS