Naipakilala na sa press ang mga kandidatang pumasok sa Final 14 ng Philippines Next Top Model na isa ring reality show at mapapanood sa RPN 9. Nagdaan ang mga ito sa psychological exam at interview kung saan iba’t iba ang pag-uugali ng mga ito. May moody, alcoholic, chain smoker, may pagka-boyish, stow-away, drug user na kandidata pero sinabing nagbago ang kanilang pananaw sa pagdaan ng taon. Ito yung panahon ng pagluluka-lukahan noong high school days nila. Inamin naman ng isang kandidata na ang pag-inom niya ng alak ay bunga ng sakit na dulot ng paghihiwalay nila ng kanyang boyfriend. Hanggang ngayon kahit may bf na ay mahal pa rin nito ang dating boyfriend.
Ayon kay Wilma Doesnt ang pagiging tibo ay hindi hadlang para maging successful kang modelo basta’t ang mahalaga ay mayroon kang x-factor na kailangan sa modeling.
Dalawa sa kabilang sa Final 14 ng PNTM ay sina Gemma Gatchalian, 24 y/o, 5’7", naging Miss Earth (Pampanga) 4th runner-up sa Manila competition. Kumukuha ng Tourism sa Holy Angel University Pampanga at Jayna Consolacion Reyes, 26 y/o, 5’9", bartender sa isang luxury liner sa US. Breadwinner ng pamilya. Worried dahil oldest siya sa lahat ng finalists. Nag-aaral ng Development Communication sa UP pero gusting magtapos ng Nursing.
— EMY ABUAN-BAUTISTA