Aiai, nagmaldita sa Doha, Qatar!

True kaya na nag-maldita si Aiai delas Alas nang mag-show siya sa Doha? Aba isnabera raw ang komedyante sa mga Pinoy na nakakikilala sa kanya. Ni hindi raw makangiti pag tinatawag ang pangalan ng komedyante, ayon sa source ng kagagaling lang ng Doha kung saan nagkaroon ito ng show. Actually, negative daw ang reactions ng mga Pinoy sa Doha sa ginawa ng komedyante.

Kaya lang ang siste, hindi na sana makakarating ang kuwento dito sa atin kaya lang hindi pa natatagalan ang nangyari nang magkaroon ng Asean Games sa Doha.

Siyempre, maraming mga Pinoy na dumagsa roon. Kaya ayun, nag-emote sila ng sentiments tungkol sa komedyante.

Nag-malling daw kasi si Aiai doon sa isang high end mall kaya ang mga sosyal na Pinoy sa Doha, ‘di nila matanggap na inisnab sila ni Aiai.

Hmmmp, baka naman pagod si Aiai o kaya iniisip niya kung anong work ang gagawin niya pagbalik ng bansa. As of now kasi ay wala pa siyang project sa ABS-CBN.

Any reaction from Aiai?

* * *

Never say die ang motto ni Gary Estrada pagdating sa pulitika. As in hindi pa rin siya suko kahit twice na siyang hindi pinalad na manalo sa kanilang probinsiya bilang mayor.

For the third time, susubukan ni Gary na makipagsapalaran sa pulitika sa San Antonio, Quezon.

Ang mga dati pa rin niyang mga nakalaban ang makakabangga niya uli sa darating na eleksyon sa Mayo.

Matagal na ring residente ng San Antonio, Quezon si Gary at na-observe niya na may kailangang baguhin sa kanyang bayan.

Hopefully, this time, makalusot na siya ngayong darating na elections.

Anyway, dalawa na pala ang anak ni Gary. Kelan lang ay nanganak ang kanyang asawang si Bernadette Allyson kaya maligaya si Gary.

* * *

Ka-join si Angelica Panganiban ni Navotas Mayor Toby Tiangco sa grand parade today, January 16, 1:00 p.m. bilang bahagi ng Navotas’ 101st anniversary celebration.

Siguradong mai-excite ang mga Navoteños sa presence ni Angelica na isa sa hot property ng ABS-CBN.

Samantala, kagabi, as part pa rin ng celebration dumagsa ang maraming artista.

Nandun sina Candy Pangilinan and Chokoleit - they hosted the extravaganza at the town’s Centennial Park that featured Wally, Teri Onor, Sex Bomb singers, Parokya ni Edgar, Yeng Constantino, Jay R of PDA and Andrew E.

Ang nasabing show is one of the highlights of the weeklong festivities. Nagkaroon din ng jobs fair, a calisthenics competition, a street dancing contest, a fireworks display and a medical and dental mission.

"I still have grand plans for the town. I strongly believe that we can achieve our full potential for growth and development if we continue to pursue our dream for a better tomorrow," Mayor Tiangco said.

Alam n’yo bang bahagi dati ng Malabon ang Navotas until it was declared separate town in 1906? Today Navotas has 14 barangays with a population of 260,000.

Anyway, ngayon 101 years na sila bilang isang munisipalidad.

* * *

Nagbunga naman pala ang effort ng mga scholar ng Pinoy Dream Academy. Kasi ngayon, ang laki na pala nilang kumita. As in, nang marinig ko ang talent fee nila, nakakalula.

As in almost P100 thousand ang tf ng mga baguhang singer at hatid-sundo pa sila.