Bianca out, KC in, sa puso ni Direk Lino?

Mali ang balitang kumalat noon na pagkatapos napabalitang nagkahiwalay na sila Bianca Gonzales at Lino Cayetano ilang buwan na ang nakalipas ay nali-link ang huli sa batang-bata na si Erich Gonzales. Ang pinakahuling balita ay sina KC Concepcion at Lino Cayetano na ngayon dahil may nakakita raw sa dalawa sa Sonya’s Garden sa Tagaytay noong Dec. 22.

Ayon sa balita, may nakakita kay KC na kumakain ng late lunch sa nabanggit na resto at may kasama itong kaibigan na ayon sa balita ay napagkamalang isang banyaga dahil sobrang tisoy at mukha itong Italyano pero napagtanto na ito ang kilalang direktor ng ilang mga palabas sa ABS-CBN na si Lino Cayetano.

Ayon pa rin sa balita, kaya nandoon ang magandang anak ni Mega Sharon ay para sa ilang commercial shoot dahil di naman ito gumagawa ng pelikula o TV show dahil tinatapos nito ngayon ang kanyang pag-aaral sa American University sa London.

Ang hindi klaro sa balita ay kung si Lino ang nagdirek sa shoot kung may shooting ngang naganap nang araw na ‘yon o baka nagkita lang ang dalawa doon. Pwede ring isiping pre-arranged ang nasabing date ng dalawa at pwede ring isipin na matagal nang magkakilala ang dalawa.

May haka-hakang noon pa nagdi-date ang dalawa dahil nabalitang pumunta sa Europe ang direktor noong panahong nasa loob pa ang kanyang syota na si Bianca sa malaking Bahay ni Kuya.

Ayon pa rin sa balita, hindi halatang may pagkakaunawaan ang dalawa dahil casual ang kanilang pag-uusap. As in, walang napansing ka-sweet’an o kahit konting flirty dahil parang just friends lang ang dalawa sa kanilang mga kilos. Kaya lang, nagkaroon ng twist ang balita dahil nang paalis na ang dalawa pagkatapos kumain ay nakitang magka-holding hands ang mga ito. Walang masama, binata pa naman si Direk Lino at dalagang-dalaga ang magandang anak ni mega Sharon. – Alex Datu