Gretchen, best actress?

Sa December 29 pa ang awards night ng Metro Manila Film Festival pero, a few days ago, kumalat ang balitang si Gretchen Barretto na ang sure winner sa best actress category. Kung magkaka-totoo ang aming narinig, siguradong ikatutuwa nito dahil comeback movie niya ang Matakot Ka Sa Karma at may rason na siyang ipagpatuloy ang pag-aartista.

Pinatitigil na uli siyang mag-artista ni Tony Boy Cojuangco dahil sa controversy sa kanila ni Dawn Zulueta pero, kung mananalo nga siya, sayang kung muli siyang titigil. Sabagay, nabanggit ni Gretchen na ‘di pa siya naggi-give up na papayagan ng asawang gawin ang Desperadas. Kukulitin daw uli niya si Tony Boy for the Regal project dahil gustung-gusto niya at kasama pa ang best friend niyang si Ruffa Gutierrez.

Ikinatuwa at nagpa-salamat si Gretchen ang sinabi ni direk Joey Reyes na beautiful ang experience niya working with her. ‘Di naging isyu kay direk ang pagsasama niya ng yaya at bodyguard dahil kailangan nito. Very generous din daw ito sa co-stars niya at sa dubbing, ‘pag nagpapabili ng food, kasama ang dubbers at assistant ni direk.

* * *

Sa January 2007 na pala ang opening ng Deep Impact, ang newest concert-performing club sa Makati City. Tiyak na kakabugin nito ang ibang entertainment circle dahil sa high-tech at state-of-the-arts lights and sounds at computer generated ang stage. Galing sa abroad ang equipment at machines na gagamitin dito.

Si Vivian Blancaflor, former at original BMG dancer ang mamamahala nito. Umikot siya sa buong Asia para kumuha ng inspirasyon sa pagpapatayo ng DP at para mabigyan ang talented Pinays ng right venue to show their talents.

Kasabay nito, naghahanap ang DP ng in-house dancers at singers at ang mga gustong mag-audition, tumawag sa 9268133 o 09266770869 for details. Puwedeng magpadala ng resume at photos sa evmusic_pro duction@ yahoo.com.ph.

* * *

This Tuesday episode ng Atlantika, makakatakas sa shelta si Celeste at tutungo sa kinalalagyan ng polaris at sisipsipin niya ang enerhiya galing dito.

Magsasagupa naman sina Piranus (Paolo Contis) at Camaro (Rudy Fernandez). Tutulungan ni Alona (Isabel Oli) si Camaro sa pakikipaglaban nito at sila ni Piranus ang magsasagupa.— NITZ MIRALLES