Bong, Jinggoy, Daboy nag-concert

Pag kawanggawa or pagtulong sa kapwa ang pag-uusapan, puwede mo talagang gawin lahat. Ganito ang nangyari sa magkakaibigang Senators Jinggoy Estrada and Bong Revilla, Phillip Salvador and Rudy Fernandez.

Imagine kung dati napapanood natin silang nakikipag-bakbakan sa suntukan at barilan, grabe the other night nagkantahan sila as in nagkaroon sila ng fund-raising concert para sa mga kapwa ko Bicolano na sinalanta ni Bagyong Reming.

In fairness, live band sila at surprisingly nakakanta lahat ng magigiting nating action stars.

Hindi na namin inabutan ang solo spot ni Daboy pero kuwento ng mga nasa audience, medyo kabado daw si Daboy pero nandun naman si LT.

Kumakanta na si Jinggoy. Isa sa kinanta ni Jinggoy ang favorite song ni the late Fernando Poe Jr. na nagkataon namang death anniversary that night, "Doon Lang."

After ni Jinggoy, kumanta ang wife niyang si Precy ng "Sana’y Wala Nang Wakas" na in fairness ay parang professional na singer kung kumanta.

Sumunod ang solo spot ni Sen. Bong. May boses ang senador, in fairness. Tapos nag-duet sila ni Lani at may solo spot din si Lani na "Dancing Queen."

Wala si Phillip Salvador during the show proper, pero humabol siya. Galing pa raw siya ng Ilocos para sa basketball game.

Pero kahit halatang pagod pa sa biyahe, kanta agad si Kuya Ipe ng "Nandito Ako."

Kasama si Tirso Cruz III sa concert.

Nang kumanta na silang lahat, enjoy ang audience. Nakisayaw ang tao.

Nagkaroon ng special participation sina AiAi delas Alas and Arnel Ignacio.

Present ang mga anak ni Bong at Lani na sina Bryan and Jolo. Katabi ng dalawang binata ng senador si Karel Marquez.

Sino kaya sa dalawa ang pumuporma kay Karel?

Anyway, malaki-laki rin sigurado ang kinita ng nasabing concert dahil after the concert, may nangolekta pang ‘Sta. Claus.’

Anyway, malaking tulong ang magagawa no’n sa mga Bicolano.