Sexbomb, babalik sa Eat Bulaga?

Natuwa ang majority sa showbis, lalo na ang nabiktima na mga artistang nag-guest sa radio show ni Mo Twister, nang sampalin ni Vina Morales si Borgy Manotoc. Ang feeling ng mga nalait, nainsulto at na-okray ay nakaganti sila. Ang lagay na yan, ‘di pa nagkikita sina Borgy at Cesar Montano na sinabihang worst celebrity politician ng una.

Nataranta raw si former First Lady Imelda Marcos sa kontrobersyang kinasangkutan ng apo. Nagpa-email ito ng copy ng Forbidden Questions na sinagot ng apo to know kung gaano ka-damaging ang mga isinagot nito. After masampal ang apo, alam na ni Mrs. Marcos kung gaano kalaking gulo ang ginawa ni Borgy.

Hindi lang si Borgy ang naging unpopular, pati na si Mo Twister na na-boo nang ipakita ang picture sa Result Night ng Philippine Idol kahit pa si Jan Nieto ang in-endorse niya.

* * *

Hindi pa man nangyayari, excited na ang Sexbomb na makapag-guest sa Eat Bulaga after nilang personal na batiin ng delayed happy birthday si Malou Choa-Fagar. Matagal na rin silang ‘di napapanood sa noontime show at marami ang nakaka-miss sa kanila.

Balitang gusto ni Joey de Leon na bumalik ang grupo sa show pero, syempre, pag-uusapan pa ito at maraming dapat i-consider. Gaya ng ano ang mangyayari sa EB Babes na bini-build up ng TAPE Inc., kung ibabalik ang Sexbomb?

Anyway, abangan na lang natin ang mga susunod na mangyayari sa Sexbomb at sa Eat Bulaga. — Nitz Miralles