Singer/TV host, tsismosa

Sa apat na pelikulang entry ng Regal Films sa darating na Metro Manila Film Festival, ang Super Noypi at Zsa Zsa Zaturnnah ang pinakamalaki ang gastos nila according to Ms. Roselle Monteverde, executive producer of Regal. Malaki rin ang gastos ng Mano Po 5 (Gua Ai Di) and Shake Rattle and Roll, pero nagpalaki raw kasi ng gastos sa Super Noypi and Zsa Zsa Zaturnnah ang special effects share ni Ms. Roselle nang maka-table namin sa birthday dinner ni Tita Dolor Guevarra last Saturday night sa Milky Way sa Makati.

Sa Super Noypi halos aabot daw ng 20 minutes ang special effects, same with Zsa Zsa Zaturnnah.

Actually, kung trailer ang basehan, lahat ng pelikulang kasali sa MMFF ng Regal, exciting. Kahit ‘yung Shake Rattle and Roll, nakakatakot.

Tapos na ang shooting ng mga nasabing pelikula kaya promo na lang ngayon ang inaayos ng Regal.

* * *

May potential maging showbiz columnist ang isang actress/TV host.

Kasi, proven na ang pagiging ‘tsismosa’ niya. ‘Yung tipong katatapos lang mangyayari, aba naibalita na agad niya sa mga gay friend niyang reporter.

Actually, hindi lang ganun, kahit hindi siya ang nakakita let’s say kinuwento sa kanya ng friend niya na nakita niya si ganito na may kasama, pag nagkuwento na siya sa iba, ang dating siya na ang nakakita.

Minsan naman, nagulat na lang daw ang isa niyang kasama sa work dahil silang dalawa lang ang nakakaalam ng nangyari sa taping pero gulat ang kapwa niya actor dahil nabasa na agad niyang blind item sa tabloid ang nangyari samantalang silang dalawa lang ang nakakaalam.

Hay maganda pa naman sana ang actress na ito, kaya lang parang columnist ang orientation na ang layo sa image na pino-project.

* * *

Friends that matter kay Tita Dolor Guevarra ang dumating sa kanyang birthday dinner last Saturday night sa Milky Way in Makati.

Sayang lang at di na namin inabutan ni Ian Farinas ang ‘question and answer’ portion kina Gretchen Barretto and Sen. Jinggoy Estrada nina Tita Ethel Ramos kung saan inurirat nila ang tungkol sa lovelife ng dalawa noong medyo bagets pa sila. Exciting daw ang sagot ng dalawa, kaya lang, lahat off the record kaya ayun hindi rin puwedeng isulat.

Kung sabagay, mga kaibigan lang naman ang nandoon kaya kahit siguro magkuwento si Gretchen hindi naman masusulat.

Anyway, aside from Gretchen at Jinggoy, full force ang mga kaibigan ni Tita Dolor, showbiz and politics.

Joke nga ng husband ni Tita Dolor na si Direk Boots Plata, ang sarap ng feeling dahil napagsama-sama nila ang mga friends nila.

Kasama sa circle friends nila sina Cong. Francis Escudero, Makati Mayor Jejomar Binay, Navotas Mayor Toby Tiangco with wife Michelle, Ms. Susan Roces, Dolphy, Ms. Maricel Soriano, Mother Lily Monteverde, Ms. Armida Siguion Reyna, Manay Ichu Maceda, Mrs. Gina de Venecia, Mr. Danny Dolor, Ethel Ramos, Shirley Kuan, Girlie Rodis, Andrea Bautista, Ms. Malou Choa Fagar, Paul Cabral, Joji Dingcong, Ricky Lo, Ronald Constantino, Korina Sanchez, Bibette Orteza and Direk Carlitos Siguion-Reyna at marami pang ibang kaibigan ni Tita Dolor.

Tita Dolor, happy birthday. – SALVE ASIS