"As long as masaya siya, masaya na rin ako kasi kaibigan ko siya," ani John Lloyd.
Hindi naman daw nakita pa ni John Lloyd na dumalaw si Mico sa set ng MKSM at kung sakaling dumalaw nga ay walang problema at welcome na welcome ito sa kanya.
At higit sa lahat ay tanggap na rin naman daw ng fans nila na may iba silang karelasyon maski sila ang magka-loveteam.
"Thankful nga kami sa fans namin kasi alam nila ang totoo at heto, suportado pa rin kami," dagdag pa raw ng aktor.
At base rin sa obserbasyon namin kay Mico nung gabing makita namin silang magka-date ni Bea sa show ni Sitti sa Metrobar ay parang mas selosa pa ang aktres kaysa sa aktor kaya okey lang din na may kissing scene ang girlfriend niya kay Loydie.
Bakit, e, kasi parang nage-enjoy siyang sagutin ang mga intriga sa kanila ni Regine Velasquez na walang katapusang pinag-uusapan at ang walang kamatayang hiwalayan nila ng asawang si Michelle Van Eimeren na paulit-ulit na lang ding pinag-uusapan na hindi man daw totoo.
Dahil kung hindi siya nage-enjoy, dapat siya mismo ang gagawa ng paraan para maputol na ang mga isyung ito, e, kaso ang sagot niya sa amin nung tanungin namin, kung ano ang hakbang niya sa mga walang kamatayang intrigang ito ay, "Hayaan mo sila, I don’t want to fight with anybody, wala lang dedma na."
Sa madaling salita, okey lang ang mga isyu as long as kaya pa niyang sagutin pala? Lalo na ang isyung may boyfriend na raw ang asawa niya sa Australia na ang mabilis na sagot sa amin ng singer/composer ay, "As far as I know, we’re both happy," so malabo ang sagot niya dahil binibitin niya ang tao.
Sabagay, bakit nga naman niya pipigilan ang libreng publicity lalo’t may sarili na silang recording company ni Songbird at malaking bentahe nga naman na parati silang nasusulat.
Dahil yung iba nga, nagbabayad pa ng reporters para lang isulat sila, at least sina Ogie at Regine ay parating nasa limelight.
Anyway, may show si Ogie sa December 2, 8PM sa Casino Filipino (Pagcor) na may titulong Ogie Alcasid Sings His Greatest Hits. – REGGEE BONOAN