Aktor, 21 taon na pero virgin pa?!

Two weeks nang talo ang dalawang programa ng ABS-CBN na umeere tuwing Linggo, ang Your Song na nakakuha ng 13.6% at Love Spell na nagtala ng 13% sa katapat na Kapuso Movie Festival na nagkamit ng 23%. Pero hindi raw apektado ang mga taga-Dos dahil magka-iba ang format nila sa pelikulang Tagalog.

Isa si direk Erik Salud sa director ng Love Spell at ang paliwanag niya sa amin nung matiyempuhan namin siya sa taping, "We are not affected at all because it’s a different genre at besides, we are developing talents here in Love Spell, at magandang training ground ito for our young talents, kaya bakit kami maapektuhan, magkaibang-magkaiba at bluntly naming sasabihing mas mura ito.

* * *

Napa-owws lahat ng nakarinig kay Star Magic talent Victor Basa nung banggitin niyang ‘virgin’ pa siya. Sino nga ba naman ang maniniwala na sa edad niyang 21 ay hindi pa siya na-bautismuhan?

Pero seryoso si Victor dahil diretso siyang nakatingin sa mga reporter na nagtanong sa kanya, "Kung ayaw ninyong maniwala, I don’t care, basta alam ko ang totoo. Simple lang naman ang sagot ko, walang chance kasi na mangyari ‘yun and besides I am a very conservative person, iba kasi ang pagpapalaki sa amin ng parents ko, that’s why I still keep my virginity."

At doon lang kami medyo naniwala sa baguhang aktor na mahirap talagang paniwalaan lalo’t may image siyang sexy dahil member pa siya ng Cover boys na kinabibilangan nina John Lloyd, Zanjoe Marudo, Rafael Rosell at iba pa.

Ice hockey player pala itong si Victor kaya malalaki ang muscles nito sa braso.

Living on his own si Victor at an early age ay marunong na siyang mag-budget ng kinikita niya at aminado siyang loveless siya ngayon dahil career ang priority niya.

Ka-join si Victor sa bagong programa ng Star Magic na may tentative title na All About Our Love mula uli sa direksyon ni Erik Salud.

* * *

Wala si Direk Quark Henares sa 2nd presscon ng ‘Wag Kang Lilingon ng Star Cinema at Viva Films, sana’y narinig niya ang mga comment ng cast sa episode na Ospital na sina Marvin Agustin at Anne Curtis na sobrang pinupuri siya.

At habang all praise sa batang director ang mga bida ng Salamin episode ay hindi naman maka-relate tulad nina Kristine Hermosa, Cherry Pie Picache, Dimples Romana, Archie Alemania dahil si direk Jerry Sineneng naman ang nagdirek ng episode nila.

* * *

Nag-taping hopping kami ng katotong Vinia Vivar last Monday night at isa ang Love Spell sa napuntahan namin at bida ang ilang Pinoy Big Brother Teen Edition.

First time naming nakakwentuhan ang runner-up ni Kim Chiu na si Mikee Lee na naka-mutual understanding daw ng dalagita nung nasa loob pa sila ng Bahay ni Kuya . At base sa kwento niya ay talagang hindi pa rin nagbabago ang pagtingin niya sa ka-loveteam ni Gerald Anderson.

Ayon mismo sa binatilyo, "Siyempre, iba ang feelings when you’re inside the house at I can say na talagang super close kami ni Kim and I really got attracted to her, but when we were out and hindi kami gaanong nagkikita, medyo nawala ‘yung feelings ko, but when I saw her again, nagulat ako kasi, nag-iba na siya ngayon, ang ganda na niya."

Habang ikinukwento sa amin ng Atenista ang mga papuri niya kay Kim, nakatingin siya rito na katabi naman si Gerald. Kaya’t sinundot namin nang, ‘Paano ‘yan, sila na ni Gerald?’ at ang mabilis na sagot sa amin ni Mikee ay, "Not sure."

Love triangle ba ang drama nila Gerald, Kim? — Reggee Bonoan