Christian Bautista, Asian Pop Idol

May karapatan nang tawaging Asian Pop Idol or Asian Pop Prince ang dating 4th placer sa kauna-unahang Star in A Million ng ABS-CBN na si Christian Bautista dahil bukod sa Indonesia, Malaysia at Thailand, sa Singapore naman mainit ngayon ang kanyang signature hit song na "The Way You Look at Me" na mahigit pitong linggo nang namamayagpag sa radio at hindi mapatid ang mga requests na nagmumula sa mga radio listeners. Ang nasabing awitin ay nag-no.1 sa loob ng dalawang linggo sa hit station sa Singapore na 987-FM. Nung nakaraang Lunes, October 30, ang top radio program DJ na si Shan Wee ay nagpasimula ng SMS voting kung ano ang gusto nilang next single ni Christian at pinili ng mga ito ang sariling komposisyon ni Christian na "Please Don’t Go".

Napatunayan namin na talagang sikat na sikat si Christian sa Indonesia dahil pini-pirata na rin ang kanyang album doon.

* * *

Masuwerte si Kristine Hermosa dahil sa ikatlong pagkakataon ay muli siyang kapareha ng box office king na si Vic Sotto sa ikatlong serye ng Enteng Kabisote sa pinamamahala pa rin ni Tony Y. Reyes. Ang nasabing pelikula ay isa sa mga entries ng Metro Manila Film Festival sa taong ito at inaasahang ito na naman ang mangunguna sa takilya tulad nung mga nakaraang version ng Enteng Kabisote.

"Hangga’t may Enteng Kabisote, mananatiling si Kristine ang kapareha ni Vic," ani Direk Tony.

Balik sa G Tongi sa papel na Ina Magenta na kanyang ginampanan sa Part 1 ng Enteng Kabisote.

Ayon kay Direk Tony, maraming mga nakakatuwang eksena ang Enteng Kabisote 3 na wala sa naunang dalawang version bukod pa siyempre na may special participation ang lady-love ni Bossing (Vic) na si Pia Guanio.

Speaking of Pia, wala itong problema pagdating sa mga anak ni Vic lalo na kina Danica at Oyo Boy na pareho niyang kasundo. Tanggap na rin nina Danica at Oyo si Pia para sa kanilang daddy.

Dahil mailap pa rin si Vic sa pagpapakasal matapos siyang mahiwalay sa kanyang ex-wife na si Dina Bonnevie, humantong kaya sa altar ang relasyong Vic at Pia?

* * *

Ang buong akala ng marami ay mas magiging solid na ang relasyon nina Alessandra de Rossi at panganay ni Joey Marquez na si Jeremy matapos muling magkabalikan ang dalawa. Pero sa hiwalayan din pala ang ending.

While vocal si Alex sa pagsasabing babae ang dahilan kung bakit sila nagkahiwalay ni Jeremy, ayaw naman mag-komento ni Jeremy tungkol sa naging dahilan ng kanilang muling pagkakahiwalay.

* * *

Nagiging paborito sa Guam ang hitmaker na si Renz Verano dahil sa loob lamang ng halos tatlong buwan ay tatlong beses itong pabalik-balik sa nasabing lugar para mag-show.

Enjoy si Renz sa Guam dahil very warm ang pagtanggap sa kanya ng ating mga kababayan na doon na naka-base.

"Ang sarap mag-perform sa Guam. Bukod sa warm ang mga kababayan natin doon, marami na rin akong naging kaibigan doon. Tahimik, malinis at walang traffic sa Guam at lahat malapit mula sa airport, hotel at mga shopping centers. In five to ten minutes ay mararating mo na agad ang pupuntahan mo," lahad ni Renz na nagpasikat ng awiting "Remember Me" at iba pang hit songs.

Bukod sa Guam, interesado rin ang ilang producer na dalhin siya sa karatig lsland, ang Saipan.

* * *

Hindi ikinakaila ng starlet na si Aila Marie na bored siya sa buhay niya sa Guam ngayon dahil wala na siyang ginagawa kundi ang mag-alaga ng kanyang tatlong anak. Tumaba rin din Aila Marie pero napakaganda pa rin nito hanggang ngayon. Kung may pagkakataon lamang ay gusto niyang magbalik-showbiz at may basbas naman umano ang kanyang asawang pulis na isang diborsiyado.

Kung sa Guam naka-base ngayon si Aila Marie, doon din nakabase ngayon ang dating aktor na si Bojo Molina na may sariling pamilya na rin doon. Naging DJ sa isang radio station sa Guam si Bojo pero ngayon ay sa banko na siya nagtatrabaho habang ang kanyang wife ay isa namang titser.

Matagal ding namalagi sa Guam ang kapanabayan noon nina Darius Razon, Esperanza Fabon at iba pa na si Rhodora Silva pero lumipat na ito sa mainland USA kasama ang kanyang American husband.

* * *

<a_amoyo@pimsi.net>