Young actor, male prosti sa mga Japanese!

Noong una medyo bantulot pa kaming sumipot sa imbitasyon sa album launching ng The CompanY, kasi nga araw iyon ng Linggo, araw ng pamamahinga para sa amin. Bukod dun, nakasabay pa ito sa prusisyon ng La Naval de Manila, pero aywan nga ba kung bakit naisipan pa rin naming magpunta sa launching ng "Christmas Album" ng The CompanY dahil kung hindi nagsisi sana kami.

Sa unang tingin, isang karaniwang album launching lamang yon, pero nang magsimula nang kumanta ang The CompanY, at inawit ang mga pamilyar na awiting pamasko, aywan kung bakit damang-dama namin ang kasiyahan. Siguro naroroon sa istilo ng kanilang pagkanta. Siguro rin naroroon sa katotohanang sincere sila sa pagnanais na magbigay ng kasiyahan at ipaabot sa mga nakikinig ang kanilang pagbati ng isang Maligayang Pasko. Kasi ang style nila ng pag-awit parang isang concert talaga. Kagaya nga ng sabi nila para lang silang nagka-carolling.

Tapos may isang kantang inawit nila, yong "Isang Taong Lumipas." Isang simpleng awitin na nagkukuwento tungkol sa pagdiriwang ng Pasko, ang kasiyahan at ang kalungkutan, ang pag-asa kahit minsan hindi man magkasama-sama, buo pa rin ang lahat kung ang mga minamahal mo ay talagang nasa puso mo.

* * *

Ang tindi ng production number na ginawa ni Shirley Fuentes para sa ikalawang birthday celebration ni Kuya Germs sa Walang Tulugan. Sumayaw, kumanta, at napaka-sexy si Shirley.

Kung noong araw niya ginawa ang number na yon, sasabihin ng iba na yon ay isang burlesque number.

Totoo yon, pero hindi naman masama yang burlesque.

Ang totoo yan ay isang form of art. Dito lang naman sa Pilipinas nagkaroon ng malisya ang panonood ng burlesque, kasi nga iba ang nakamulatan nating kultura. Pero kung napanood n’yo ang ginawang yon ni Shirley ay wala kayong makikitang masama.

Ang totoo hinangaan pa namin si Shirley dahil sa performance niyang iyon.

* * *

Nakita ng isa naming kakilala ang isang young male star na mula sa isang talent search ng isang tv network na bumababa sa isang five star hotel kasama ang isang bading na Japanese national. Dinig na dinig din niya ang sinabi ng bading na Japanese sa kasama noon, na ang male star na kasama nito ay "urisen". Nang ipagtanong namin, napakasama pala ng ibig sabihin noon. Iyon palang "urisen" ay isang lalaking prostitute sa Japan. Aywan kung alam ng young male star na yan ang kahihinatnan niya kung ganyang kung anu-ano ang pinapasok niyang mali.