Marami ang kinikilig sa tambalang Jason at Maja!

I’m sure malaking bagay ang magagawa ng mabilis na sumisikat na tambalang Jason Abalos at Maja Salvador sa Love Spell ng ABS CBN (Sundays, after Your Song) na kung saan ay bibigyan nila ng malakas na suporta si Angelica Panganiban na makakapartner naman ni Jake Cuenca sa isang istorya ng isang magic candle na binago ang kapalaran ng dalawang babae na may magkaibang katayauan sa buhay.

Mabilis ang pagsikat ng tambalan na talaga namang tinangkilik sa First Day High. Ngayon ang reel loveteam ay tila nagiging totoo na sa tunay na buhay.

Inamin ni Jason na nanliligaw siya ng totoo sa kanyang ka-partner, hindi man formally pero sinasabi naman niya ang feelings niya. At handa siyang maghintay hanggang sa matupad ni Maja ang pinapangarap niya. Kung gaano yun katagal ay depende na kay Maja.

"Yun ang napaka-laking plus factor ni Jason, naiintindihan niya na ayaw ko muna ng commitment dahil marami pa akong gustong mangyari sa buhay ko. Pero, alam niya na ispesyal siya sa akin," anang magandang debutante na binigyan ni Jason ng isang bracelet watch nung birthday niya. Hindi niya ito ibinigay kay Maja sa debut nito kundi sa mismong araw ng birthday ni Maja, nung Okt. 5, 2:00 NU!, sa bahay nito nang makapanggaling ito ng ospital na kung saan ay dinala nila ang isa niyang sister na nagka-allergy.

Idinagdag pa ni Maja na concerned na siya ngayon sa ka-loveteam. "Nami-miss na namin ang isa’t isa kapag di kami nagkakasama sa trabaho. Kaya naman marami ang nagkakamali na may unawaan na nga kami kasi kapag nagkikita kami ay talagang di kami nahihiyang magyakapan we hug each other tight," pagtatapat ni Maja.

* * *

Maganda yung ipinang-imbitang outing ng ABS CBN para sa mga entertainment editors. Sayang nga lamang at medyo kinapos ng oras kaya di napuntahan yung lahat ng dapat na puntahan. Pero, enjoy ang lahat sa pag-stay sa Sonya’s Garden sa Tagaytay na kung saan ang lahat ay naka-avail ng body massages, spa, foot spa, at naka-tikim ng isang vegetarian lunch na talaga namang napaka-healthy kahit pa hindi ko masasabing fulfilling dahil madali akong ginutom. Nagtaka siguro dun sa Antonio’s Restaurant na pinuntahan namin dahil alas kwatro pa lamang ng hapon ay parang gutom na gutom na ang mga press na dumayo sa kanilang lugar at nag-order ng napaka-heavy na merienda.

Napakasayang bonding yun ng mga press people na sa presscons lamang nagkikita-kita at ng ABS CBN’s PR execs and their staff led by Misses Maloli Manalastas and Lea Salterio.

Sa kanilang lahat, salamat sa isang masayang araw at hanggang sa uulitin.

* * *

Ang dami nang nag-aabang ng Captain Barbell dahil ngayong gabi magaganap ang napakainit na halikan nina Richard Gutierrez at Camille Prats. Ang dami ngang naiinggit kay Camille dahil sa tinagal-tagal niyang nag-aartista ay ngayon lamang siya pumayag sa ganitong eksena at kay Richard pa! Ang haba-haba ng buhok niya!

Di daw ito simpleng halikan kundi isang torrid at passionate kiss. Nood na after 24 Oras, sa GMA Telebabad.

* * *

Mayayanig sa tuwa ang lahat ng manonood ngayong gabi sa Metro Bar, 9NG, dahil magsasama-sama sa isang palabas ang naggagandahang sina Ethel Booba, Sheree, Alyssa Alano, Anna Leah Javier, Michelle Estevez at Raja Montero na prodyus ng Starview Production sa pakikipagtulungan ng PCSO, Sea Air, Talk N Text, Bamboo Lounge, Cebu Lecgon at Rare Adz.

Pinamagatang Intesity 6, ito ay nasa direksyon ni Mak de Leon at para sa tiket, tumawag sa 09064863938/ 09208372194.