Isasalaysay ni Jen ang kanyang buhay sa Magpakailanman bukas ng gabi, pagkatapos ng GMA-7 telenovelas. Siya ang gaganap ng sariling papel kasama sina Anita Linda (lola), Jaclyn Jose at Dante Rivero (mga magulang), Shyr Valdez (tiya) at Mon Confiado (tiyo).
Malalamang di madali ang maging half breed na tulad ni Jen. Pinay ang kanyang ina at Aleman naman ang ama. Nagsimula niyang maranasan ang racial discrimination nang umuwi siya ng Pilipinas para makapiling ang kanyang lola. Kinainggitan at inintriga siya sa campus. Nakatikim din siya ng hirap dahil ang perang sustento ng mga magulang ay pinakialaman ng kanyang tiyo at tiya. Namatay pa ang kanyang lola.
Panoorin ang MKM upang makilala ninyo ang tunay na Jen Rosendahl.