Na-shelve ang Aga-Sharon movie! Direk Joyce Bernal, naglasing?

Naging malaking isyu na kaagad ang pagkikita’t pagyayakap nina Eat Bulaga over-all chairman Ms. Malou Choa Fagar at Sexbomb member Rochelle Pangilinan sa nakaraang birthday party ni Sen. Bong Revilla, Jr sa Heritage Hotel, Roxas Boulevard.

May nagpadala sa amin ng text message informing na lilipat na raw si Rochelle kay Ms. Malou after ng kontrata niya kay Joy Cancio sa March 2007 at hindi November 2006.

Tanda namin sa huling interview namin kay Rochelle sa Mugen Bar and Restaurant ay matagal na raw may ganung tsismis at natatawa siya dahil hindi raw totoo at higit sa lahat, imposible raw mangyari yun.

Sinubukan naming tanungin din si Ms. Malou tungkol sa napipintong paglipat ni Rochelle sa kanya, sabi nito ay, "Not true! We didn’t talk about it."

Sinubukan din naming tanungin si Joy tungkol sa isyu at heto naman ang sagot niya, "Sa totoo lang, matagal na ang isyung yan at nung tinanong ko noon si Rochelle hindi raw totoo at kung may plano siya, magsasabi siya sa akin which is tama lang.

"As of now, hindi namin pinag-uusapan ang paglipat kasi siguro may kontrata pa siya sa akin, pero kung gusto niyang lumipat, fine with me, hindi ko siya pipigilan dahil ayokong pigilan ang anumang plano niya sa buhay, kasi baka mamaya pigilan ko, e, ako pa masisi sa huli.

"Walang problema sa akin, okey kami ni Rochelle, open ang communication namin at ako pa nga ang nagsabi na pumunta siya sa birthday party ni Senator Bong kasi naging leading lady siya at kapag nakita niya sina Ma’m Malou o sinuman sa taga-Eat Bulaga, bumati siya kasi hindi naman sila kasama sa isyu, kami ni Ma’m Malou ang nagkaroon ng isyu.

"Supposedly kasama rin yung ibang Sexbomb dancers, e, hindi natuloy kaya si Rochelle ang pinapunta ko," esplika ng manager ng Sexbomb.

Samantala, masayang ibinalita rin ni Joy na na-aprub na ang visa nila sa Japan para sa shooting ng 13th Season ng Daisy Siete na ang working title ay Moshi, Moshi Japan na tatalakay sa mga showgirl ng Japan.

Ang lead stars lang ang pupunta tulad nina Rochelle, Jopay Paguia, Jackie Rivas, Aira Bermudez, Izzy Tirazona, Mia Pangyarihan at tatlo pang nakalimutan namin ang names at tatlong staff ng Focus E na sina Direk Pat Perez, Joy at isa pang taga-production.

* * *

Ayaw pang kumpirmahin sa amin ng aming source na on the rocks na ang relasyon ng Philippine Idol grand finalist na si Gian Carlo Magdangal at ang girlfriend niyang aktres na si Aiza Marquez.

Nagkaroon daw ng pagtatalo ang dalawa nung hindi man lang sinuportahan ni Aiza ang boyfriend niya sa wild card competition two weeks ago.

Ito raw kasi ang isinumbat ni Gian Carlo kay Aiza na binalikan din daw ng aktres ng, "Wala ka na ring panahon sa akin simula nung nag PI ka."

Nadagdagan pa na pinopormahan daw ni Gian ang kapwa PI na sina Ira Marasigan at Gail Blanco na maski na itinanggi ay maraming nakakakita.

And speaking of Philippine Idol live presentation last Saturday ay lumapit daw ang judges na sina Ethel Booba at Mystica kay MTRCB Chairman Consoliza Laguardia dahil masyado raw sexy ang outfit ng dalawa at baka raw may masabi silang nakakaloka, e, pagpasensiyahan na lang daw, panay naman daw ang tango ni Chairman at sumagot ng, "Okey lang."

* * *

Nagulat kami sa mga litrato ni Direk Joyce Bernal na naglabasan sa diyaryo kahapon, Lunes dahil sumasayaw siya habang nakapikit sa party ni Senator Bong Revilla. Ask namin ang mega-direktor kung nakainom o lasing ba siya at nakunan siya ng ganun at kung knows niya ang ginagawa niya?

"Oo, lasing ako, pero maski naman hindi ako lasing sumasayaw din ako, tulad ngayon, nandito ako sa Megamall, sumasayaw ako sa gitna kasi maganda ang tugtog," nakakalokang sabi sa amin ni direk Joyce.

Di kaya depressed lang si direk Joyce dahil shelved ang pelikulang Aga Muhlach at Sharon Cuneta?   

"Hindi naman," kaswal niyang sagot.

E, ang Agent X44 ni Vhong Navarro, kailan ba ang resume ng shooting, tuloy pa ba o hindi na?

"Hooy, last shoot ko na hopefully sa Tuesday (hindi lang binanggit kung anong month at year) ‘no?" tili sa amin ng nakakaaliw na director. – REGGEE BONOAN